Назарбаев екі жаңа теміржол тармағын іске қосты

22 Тамыз 2014, 13:17
1
Назарбаев екі жаңа теміржол тармағын іске қосты - ©railways.kz
©railways.kz

Президент Нұрсұлтан Назарбаев Жезқазған - Бейнеу және Арқалық - Шұбаркөл теміржолдарын іске қосты, - деп хабарлайды Tengrinews.kz тілшісі "ҚТЖ" ҰК" АҚ баспасөз қызметіне сілтеме жасап.

Мемлекет басшысы теміржолшылар мен құрылысшыларға екі ірі жобаны іске асырғаны үшін алғыс білдірді. "Құрылыстың жөнелту нүктелерінен: Маңғыстау облысындағы Бейнеу станциясынан, Ақтөбе облысындағы Шалқар станциясынан, Қызылорда облысындағы Сексеуіл станциясынан, Қостанай облысындағы Арқалық қаласынан және Жезқазған қаласының өзінен жасалған тікелей хабарлар жаңа жолдармен жүк тасымалдаған алғашқы пойыздарды көруге мүмкіндік берді", - делінген таратылған хабарламада. 

Жаңа учаскелердің іске қосылуымен бірге арналы теміржол желісінің тұтас құрылымы қалыптастырылып отыр. "Бүгін іске қосылған мың шақырымнан асатын теміржолдар Солтүстік - Оңтүстік, Шығыс - Батыс бағыттарында жүк ағыны бағыттарын оңтайландырады. Теміржолдардың жұмысы аймақтарда экономикалық белсенділікті ынталандыра, өнеркәсіптік әлеует мен өндірісті дамытуды жылдам игеру үшін қолайлы жағдай жасай отыра Орталық және Батыс Қазақстанның дамуына қуатты серпін береді, 3,5 мыңнан астам жұмыс орны құрылады", - деп мәлімдеді "Қазақстан темір жолы" ҰК" АҚ президенті Асқар Мамин Мемлекет басшысына. Ол сондай-ақ жаңа теміржолдардың іске қосылуы Қытайдан Ресей мен Еуропа бағытына өтіп жатқан трансқазақстандық көлік дәлізінің транзиттік әлеуетін арттыратынын айтты. 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай