+7 (777) 001 44 99
ПОДЕЛИТЬСЯ
ҚР Президенті Нұрсұлтан Назарбаев интеграциялық процестерді дамыту мәселесін ЕурАзЭҚ бас хатшысы Тайыр Мансұровпен бірге талқылады деп хабарлайды Tengrinews.kz ҚР Президентінің ресми сайтына сілтеме жасап. Кездесу барысында ұйымның қазіргі қызметінің мәселелері, алдағы кезеңге арналған жоспарлар, сондай-ақ Еуразия кеңістігіндегі интеграциялық үдерістердің іске асырылу жайы талқыланды. "Нұрсұлтан Назарбаев мемлекеттердің интеграциялық құрылымдар аясындағы көптарапты өзара ықпалдастығының негізін қамтамасыз ету бағытында атқарылып жатқан жұмыстардың маңыздылығын атап өтті. Сонымен бірге, Қазақстан Президенті елдердің технологиялар мен бизнес саласындағы тиімді ынтымақтастығына септігін тигізетін интеграциялық институттар қызметінің жемісті нәтижелеріне назар аударды", - делінген Ақорданың хабарламасында. Тайыр Мансұров ұйымның алдына қойған міндеттерінің іске асырылуы және ЕурАзЭҚ-қа мүше мемлекеттер халықтарының мүддесі үшін экономикалық интеграцияға қол жеткізуге бағытталған жұмыс туралы айтты. "Бас хатшы Мемлекет басшысының бұдан 20 жыл бұрын М.Ломоносов атындағы Мәскеу мемлекеттік университеті қабырғасында мемлекеттердің Еуразиялық одағын қалыптастыру туралы алғаш ұсынған бастамасы посткеңестік кеңістіктегі экономикалық интеграцияға негіз болғанын атап көрсетті", - делінген хабарламада. Еске салайық, 5 наурыз күні Мемлекет басшысы Мәскеуге барып, Жоғарғы Еуразиялық экономикалық кеңестің отырысына қатысқан болатын. Онда Ресей, Беларусь, Қазақстан басшылары мен Еуразия экономикалық кеңесі алқасының өкілдері Кеден одағы мен Бірыңғай экономикалық кеңістік шеңберіндегі интеграциялық процестердің қазіргі жайы мен келешегі және Жоғарғы Еуразиялық экономикалық кеңестің алдыңғы отырыстарында қол жеткізген келісімдерді іске асыру мәселелері жайлы талқылады.
ҚР Президенті Нұрсұлтан Назарбаев интеграциялық процестерді дамыту мәселесін ЕурАзЭҚ бас хатшысы Тайыр Мансұровпен бірге талқылады деп хабарлайды Tengrinews.kz ҚР Президентінің ресми сайтына сілтеме жасап.
Кездесу барысында ұйымның қазіргі қызметінің мәселелері, алдағы кезеңге арналған жоспарлар, сондай-ақ Еуразия кеңістігіндегі интеграциялық үдерістердің іске асырылу жайы талқыланды.
"Нұрсұлтан Назарбаев мемлекеттердің интеграциялық құрылымдар аясындағы көптарапты өзара ықпалдастығының негізін қамтамасыз ету бағытында атқарылып жатқан жұмыстардың маңыздылығын атап өтті. Сонымен бірге, Қазақстан Президенті елдердің технологиялар мен бизнес саласындағы тиімді ынтымақтастығына септігін тигізетін интеграциялық институттар қызметінің жемісті нәтижелеріне назар аударды", - делінген Ақорданың хабарламасында.
Тайыр Мансұров ұйымның алдына қойған міндеттерінің іске асырылуы және ЕурАзЭҚ-қа мүше мемлекеттер халықтарының мүддесі үшін экономикалық интеграцияға қол жеткізуге бағытталған жұмыс туралы айтты.
"Бас хатшы Мемлекет басшысының бұдан 20 жыл бұрын М.Ломоносов атындағы Мәскеу мемлекеттік университеті қабырғасында мемлекеттердің Еуразиялық одағын қалыптастыру туралы алғаш ұсынған бастамасы посткеңестік кеңістіктегі экономикалық интеграцияға негіз болғанын атап көрсетті", - делінген хабарламада.
Еске салайық, 5 наурыз күні Мемлекет басшысы Мәскеуге барып, Жоғарғы Еуразиялық экономикалық кеңестің отырысына қатысқан болатын. Онда Ресей, Беларусь, Қазақстан басшылары мен Еуразия экономикалық кеңесі алқасының өкілдері Кеден одағы мен Бірыңғай экономикалық кеңістік шеңберіндегі интеграциялық процестердің қазіргі жайы мен келешегі және Жоғарғы Еуразиялық экономикалық кеңестің алдыңғы отырыстарында қол жеткізген келісімдерді іске асыру мәселелері жайлы талқылады.
