1. Басты
  2. Біл
  3. Жаңалықтар
  4. Ел жаңалықтары

Назарбаев Головкинді жеңісімен құттықтады

Сурет: Тұрар Қазанғапов Сурет: Тұрар Қазанғапов

Елбасы Геннадий Головкинді IBF және IBO тұжырымдары бойынша бокстан әлем чемпионы атағы үшін өткен жекпе-жекте жеңіске жетуімен құттықтады, - деп хабардайды Tengrinews.kz тілшісі Elbasy.kz сайтына сілтеме жасап. 

Нұрсұлтан Назарбаев Қазақстан боксшысы бұл жекпе-жекте тағы да асқан шеберлік, спортшыға тән мінез бен қажымас қайрат танытқандығын атап өтті.

"Сенің жарқын жетістіктерің Қазақстан жанкүйерлеріне қуаныш сыйлап елімізде спортты одан әрі дәріптеуге септігін тигізіп отыр. Саған мықты денсаулық, бақ-береке және жаңа жетістіктер тілеймін", - делінген жеделхатта.

Құттықтау туралы Елбасының баспасөз хатшысы Айдос Үкібай Twitter-дегі парақшасында да жазды.