+7 (777) 001 44 99
ПОДЕЛИТЬСЯ
Қазақстан Президенті Нұрсұлтан Назарбаев ел экономикасы мен қауіпсіздігіне қатысты барлық негативті жайттарды ескерту қажеттігін айтты, - деп хабарлайды Тengrinews.kz тілшісі.
Қазақстан Президенті Нұрсұлтан Назарбаев ел экономикасы мен қауіпсіздігіне қатысты барлық негативті жайттарды ескерту қажеттігін айтты, - деп хабарлайды Тengrinews.kz тілшісі.
"Құрметті депутаттар, Парламенттің жаңа сессиясы күрделі жағдайда басталып отыр - әлемдік экономиканың құбылмалылығы, геосаяси қауіптер, әсіресе Украинадағы ахуалдың салдарынан халықаралық қарым-қатынастардың күрделенуімен байланысты жайттар шиеленісіп жатыр. Әлемдік ішкі жалпы өнімнің 60%-ын өндіретін мемлекеттердің бір-біріне санкциялар қолдануы, осының бәрі қалыптасқан экономикалық қатынастарға, әлемдік тәртіпке айтарлықтай өзгерістер мен түзетулер енгізуге ықпал етеді. Ол біздің әріптестеріміздің экономикасының өсуін төмендетеді, ол бізге де әсер етеді", - деп мәлімдеді Парламенттің IV сессиясын ашқан Мемлекет басшысы.
"Экономикаға, халықтың әл-ауқатына, Қазақстанның қауіпсіздігіне төнуі мүмкін қауіптерді алдын ала ескерту үшін қолдан келгеннің бәрін жасау маңызды. Менің тапсырмам бойынша мұнымен Үкімет айналысып жатыр. Бүгінде ашылған мүмкіндіктерді пайдалану үшін Парламент пен Үкімет өзара үйлесімде жұмыс істеуі қажет. Басты міндеттердің бірі Қазақстанның дамыған 30 елдің қатарына қосылумен байланысты", - деді ол Парламент палаталарының бірлескен отырысында.
