Назарбаев Қостанай облысының әкімін қабылдады

29 Қаңтар, 17:58
0
Назарбаев Қостанай облысының әкімін қабылдады - © akorda.kz
© akorda.kz

Қазақстан Президенті Нұрсұлтан Назарбаев Қостанай облысының әкімі Архимед Мұхамбетовті қабылдады, - деп хабарлайды Tengrinews.kz тілшісі Ақорда сайтына сілтеме жасап.

Кездесу барысында Мемлекет басшысына өңірдің әлеуметтік-экономикалық даму барысы, сондай-ақ Жолдауда берілген тапсырмалардың орындалу нәтижелері туралы баяндалды.

Елбасы мемлекеттік және салалық бағдарламаларды уақтылы әрі сапалы іске асырудың, сондай-ақ халықтың әл-ауқатын одан әрі арттыру үшін шаралар қабылдаудың маңызды екенін атап өтті.

"Қостанай облысының макроэкономикалық көрсеткіштерінің өсу қарқыны сақталып отыр. 2017 жылмен салыстырғанда өнеркәсіп өндірісі 8,3 пайызға, құрылыс саласы 22,3 пайызға өсіп, 300 мың шаршы метрге жуық тұрғын үй пайдалануға берілді", - деді Мұхамбетов.

Сонымен қатар, Қостанай облысының әкімі Қазақстан Президентіне автомобиль өндірісін дамыту, инвестиция тарту және индустриялық жобаларды іске асыру жұмыстарының нәтижелері туралы мәлімдеді.

"Облыста индустриялық аймақ құрылуда. Соның аясында 11 жоба әзірленіп жатыр. Соның ішіндегі ең ірісі - ауыл шаруашылығы хабын құру. Оның құрамына 600 мың тонналық қуаты бар арнайы мақсаттағы ұн өндіретін, жылына 1 миллион тонна жем дайындайтын, глютен өндіретін және майлы дақылдарды қайта өңдейтін цехтар кіреді. Бұл жоба ауыл шаруашылығындағы өнімділікті арттыруға бағытталған", - деді облыс әкімі.

Қостанай облысының әкімі ауыл шаруашылығы техникасын өндіру, құрылыс материалдарын шығару, Арқалық қаласындағы ет өңдеу кешенін дамыту салаларына қатысты жобаларды жүзеге асыру, сондай-ақ шағын және орта кәсіпкерлікті  қолдау шаралары жөнінде айтты.

Кездесу соңында Нұрсұлтан Назарбаев бірқатар нақты тапсырма берді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай