Назарбаев Мәжіліс спикерімен және премьер-министрмен сайлау бойынша кеңес өткізді

18 Қаңтар 2016, 16:27
15
Назарбаев Мәжіліс спикерімен және премьер-министрмен сайлау бойынша кеңес өткізді - © Тұрар Қазанғапов
© Тұрар Қазанғапов

Қазақстан Президенті Нұрсұлтан Назарбаев Парламент Мәжілісінің төрағасы Қабиболла Жақыповпен және премьер-министр Кәрім Мәсімовпен кеңес өткізді, - деп хабарлайды Tengrinews.kz тілшісі. Кездесуге Президент Әкімшілігінің жетекшісі Нұрлан Нығматулин де қатысты.

Мемлекет басшысы Мәжіліс депутаттарының парламент сайлауын өткізу туралы бастамасының сарапшылар қоғамында және БАҚ-та кеңінен талқыланып жатқанын айтты.

Ақорданың мәліметінше, Назарбаев бұл ұсыныстың жүргізілген сауалнамаларда да кең қолдау тауып жатқанына назар аударды. Жақыпов партиялардың сайлаушылардан жаңа сенім мандатын алу, кең қоғамдық ұйысу, сондай-ақ жүргізілетін реформаларды барлық деңгейде жүзеге асыру үшін Мәжіліс пен мәслихаттар іс-қимылын сәйкестендіру қажеттігі мұндай шешімнің қабылдануына басты себеп болғанын атап өтті.

Айта кетейік, 13 қаңтарда ҚР Парламент Мәжілісінің V шақырылымының депутаттары палатаны мерзімінен бұрын таратуды сұраған еді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (15)
Оқылып жатыр
Талқыланып жатыр
Бүгін
Апта
Ай