1. Басты
  2. Біл
  3. Ел жаңалықтары

Назарбаев Малайзия премьер-министрімен екіжақты ынтымақтастықты талқылады

©Akorda.kz ©Akorda.kz

Қазақстан Президенті Нұрсұлтан Назарбаев Малайзияның премьер-министрі Наджиб Тун Разакпен кездесті, - деп хабарлайды Tengrinews.kz тілшісі Мемлекет басшысы баспасөз қызметіне сілтеме жасап.

"Кездесу барысында сауда-экономикалық, инвестициялық, индустриялық, сондай-ақ мәдени-гуманитарлық салалардағы екіжақты ынтымақтастыққа қатысты мәселелер талқыланды. Сонымен қатар, Нұрсұлтан Назарбаев пен Наджиб Тун Разак халықаралық күн тәртібіндегі өзекті жайттар туралы да сөз қозғады", - делінген баспасөз хабарламасында.

Айта кетейік, Назарбаев 17 сәуірде жұмыс сапарымен Алматыға келді. Сапар барысында ол Алматыдағы Dostyk Plaza сауда ойын-сауық орталығын, "Алатау" киноконцерт залын аралады. Сонымен қатар, экологиялық таза көлік түрлерімен, Алматы қаласы мен индустриялдық саябақтың даму жоспарымен танысты. Сапар соңында Нұрсұлтан Назарбаев Алатау ауданы тұрғындарымен әңгімелесті.