Назарбаев Рахмонмен екіжақты ынтымақтастықтың негізгі мәселелерін талқылады

11 Қыркүйек 2014, 22:16
0
Назарбаев Рахмонмен екіжақты ынтымақтастықтың негізгі мәселелерін талқылады - Нұрсұлтан Назарбаев пен Эмомали Рахмон. Фото © Ақорда
Нұрсұлтан Назарбаев пен Эмомали Рахмон. Фото © Ақорда

Қазақстан Президенті Нұрсұлтан Назарбаев Тәжікстанның басшысы Эмомали Рахмонмен кездесті, - деп хабарлайды Tengrinews.kz тілшісі Ақордаға сілтеме жасап.

Әңгіме барысында екі елдің көшбасшылары екіжақты сауда-экономикалық, инвестициялық және мәдени-гуманитарлық ынтымақтастықтың негізгі мәселелерін талқылады. "Нұрсұлтан Назарбаев Тәжікстан Республикасы еліміздің маңызды серіктесі екенін және Қазақстан оған әрдайым жан-жақты қолдау көрсетуге әзір екенін айтты", - делінген хабарламада. 

Сондай-ақ, Назарбаев пен Рахмон екі елдің өңірлік және халықаралық ұйымдар аясындағы өзара ықпалдастығы мәселелерін де қарастырды. Одан бөлек, халықаралық күн тәртібіндегі өзекті жайттарға қатысты пікір алмасты.

Еске салайық, Қазақстан Президенті Шанхай ынтымақтастық ұйымына мүше мемлекеттер басшылары кеңесінің отырысына қатысу үшін Душанбе қаласына барды

 

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай