Назарбаев Шәкен Ниязбековтің отбасына, жақындарына көңіл айту жеделхатын жолдады

16 Тамыз 2014, 15:01
0
Назарбаев Шәкен Ниязбековтің отбасына, жақындарына көңіл айту жеделхатын жолдады - tengrinews © мұрағатынан
tengrinews © мұрағатынан

Елбасы Нұрсұлтан Назарбаев қазақ өнерінің көрнекті өкілі, суретші Шәкен Ниязбековтің қайтыс болуына байланысты марқұмның отбасы мен жақындарына көңіл айту жеделхатын жолдады, - деп хабарлайды Tengrinews.kz  Ақорданың баспасөз қызметіне сілтеме жасап. 

Нұрсұлтан Назарбаев жеделхатта Шәкен Ниязбековтің отандық көркем өнердің дамуына, туған елінің өркендеуіне зор үлес қосқан тұлға екендігіне тоқталған.

"Тума талант ретінде ол жұмыстарын патриоттық рухта жазды. Оның Қазақстан Республикасы Мемлекеттік Туының авторы болуы - өз Отанын шексіз сүйгендігінің көрінісі"  делінген жеделхатта. Соңында Мемлекет басшысы суретшінің жарқын бейнесі тәуелсіз еліміздің жадында мәңгі қалатынын атап өткен.

Шәкен Ниязбеков 76 жасқа қараған шағында өзінің пәтерінде 15 тамыздан 16 тамызға қараған түні қайтыс болған. Қоғам қайраткерімен қоштасу рәсімі 18 тамыз күні Әбілхан Қастеев атындағы мұражайда өтеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай