1. Басты
  2. Біл
  3. Ел жаңалықтары

Назарбаев Валентина Матвиенконы марапатқа ұсынды

Қазақстан Президенті Нұрсұлтан Назарбаев РФ Федералдық Жиналысы Федерация Кеңесінің төрағасы Валентина Матвиенкомен кездесті, - деп хабарлайды Tengrinews.kz тілшісі Ақорданың баспасөз қызметіне сілтеме жасап.

"Сіздің сапарыңыз Қазақстан мен Ресей қатынасы жүйесінде өте маңызды, сонымен қатар, сіз әрекеттеріңізбен екі ел арасындағы достыққа қолдау білдіріп келесіз", - деді Назарбаев. Сондай-ақ, ол Матвиенконы марапаттау туралы Жарлыққа қол қойғанын айтты.

"Біз бауырластық қарым-қатынасты ары қарай дамыту үшін қолдан келгенін істеп келдік, ары қарай да істей береміз. Мен осы жоғарғы марапатты ақтау үшін бар күшімді саламын", - деді РФ Федералдық Жиналысы Федерация Кеңесінің төрағасы Валентина Матвиенко марапаттау рәсімінен кейін.