Назарбаевқа "Татарстан Республикасына сіңірген еңбегі үшін" ордені табысталды

12 Маусым 2017, 19:25
0
Назарбаевқа "Татарстан Республикасына сіңірген еңбегі үшін" ордені табысталды - © akorda.kz
© akorda.kz

Қазақстан Президенті Нұрсұлтан Назарбаев Татарстан Республикасының Президенті Рустам Миннихановпен кездесті. Кездесуде  Нұрсұлтан Назарбаев пен Рустам Минниханов Астана мен Қазан арасындағы мәдени және экономикалық ынтымақтастық мәселелерін талқылады, - деп хабарлайды Tengrinews.kz тілшісі Ақорданың ресми сайтына сілтеме жасап. 

Мемлекет басшысы Рустам Миннихановты Ресей күнімен құттықтап, екі ел арасында қалыптасқан достық қатынастар туралы айтты. 

"Ресеймен де, Татарстанмен де арамызда достық қарым-қатынас орныққан. Қазақтар мен татарлар тарихы, мәдениеті, тілі мен әдет-ғұрпы жағынан бір-біріне өте жақын. Экономикалық байланыстарымыз да жақсы. "KAMAZ" кәсіпорнымен жұмыс жүргізіп келеміз, Алматыдағы тікұшақ зауытына қатысты жобаны іске асырудамыз. Осы және басқа да экономикалық байланыстарды, соның ішінде мұнай химиясына қатысты байланысты жалғастыра беру керек", - деді Назарбаев.

Татарстан Президенті Қазақстанға келген миссиясы туралы айтып, Астананың жаңа архитектуралық нысандарын және "Астана ЭКСПО-2017" көрме кешенін аралап көргеннен кейінгі әсері жөнінде ой бөлісті.

"Бүгін ЭКСПО-дағы экспозициямызды аштық. Сонымен қатар, Қазақстандағы серіктестерімізбен бірге болашақ жоспарларымызды талқыладық. Көрме кешені мені қайран қалдырды. Сізді көрменің ашылуымен құттықтаймыз. Сондай-ақ, қала көшесіне Сүйімбикенің аты берілуіне орай ризашылығымды білдіремін", - деді Минниханов.    

Нұрсұлтан Назарбаев пен Рустам Минниханов "Батыс Қытай - Батыс Еуропа" жолын салу аясындағы инфрақұрылымдық жобаларды іске асыру және Қазақстан мен Татарстанның көліктік-транзиттік әлеуетін арттыру мәселелерін талқылады.

Кездесу соңында Р.Минниханов Мемлекет басшысын Татарстанға келуге шақырды.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай