Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Нұрлан Ноғаев облыста қанша жұмыс орнының ашылғанын білмеген басшыларды сөкті

01 Тамыз 2016, 16:03
0
© Атырау облысы әкімінің баспасөз қызметі
© Атырау облысы әкімінің баспасөз қызметі

Бүгін, 1 тамыз күні өткен Атырау облысы әкімдігі мәжілісінің отырысында кәсіпкерлікті және ауылшаруашылық басқармасы мемлекеттік қолдау арқылы құрылған шаруашылықтарда қанша жұмыс орны ашылды деген сұраққа жауап бере алмады, - деп хабарлайды Tengrinews.kz тілшісі облыс әкімдігіне сілтеме жасап.

Сауалына жауап ала алмаған аймақ басшысы басқармалар арасында байланыстың жоқтығын айтып, қарамағындағыларды сөкті.

"Ашылған жұмыс орны туралы ақпаратты бәріңіз біліп отыруыңыз керек. Жауапкершіліктен қашып, жұмыстарыңыздың аясын шектеп отырсыздар. Әрбір басқарма бөлек әлемде өмір сүріп жатқандай. Бюджеттен бөлінген ақшаның басты мақсаты - жұмыс орындарын ашу. Кәсіпкерлік басқармасы ақшаның қалай жұмсалып жатқанын білмесе, жұмыс орнымен қамту басқармасы қанша жұмыс орнының ашылып жатқанын білмесе, ауыл шаруашылық басқармасы өз алдына хабарсыз болса, не үшін жұмыс істеп жатырмыз? Біздің мақсатымыз ақша бөлу емес, жұмыс орнын ашу, экономиканы дамыту. Бөлінген ақшаның қалай пайдаланылып жатқанын қадағалау керек. Басқармалар арасында байланыс болсын", - деді Нұрлан Ноғаев.

Аймақ басшысы, айтылғандарды ескере отырып, ашылған жобалардың жұмысын жіті бақылап отыруды тапсырды. Сонымен қатар, басқармалар арасында тығыз байланыстың болуын қадап ескертті.

Айта кетелік, соңғы 4 жылда Атырау облысында Ауыл шаруашылығын қаржылай қолдау қоры арқылы жергілікті бюджеттен 807 миллион теңге бөлінді. Бұл қаржы шаруаларға жылдық мөлшерлемесі 7 пайыз болатын қайтарымды несие түрінде берілді. Нәтижесінде қазір 163 жоба мақұлданып отыр.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай