Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Нұрсұлтан Назарбаев Ақордада кеңес өткізді

03 Тамыз 2015, 15:12
0
©Akorda.kz
©Akorda.kz
© Тұрар Қазанғапов
© Тұрар Қазанғапов

Нұрсұлтан Назарбаев Ақордада кеңес өткізді, - деп хабарлайды Tengrinews.kz тілшісі Қазақстан Президентінің ресми сайтына сілтеме жасап. Мәжіліске елдің премьер-министрі мен Президент Әкімшілігінің басшысы қатысты.

Іс-шара барысында ел экономикасының қазіргі ахуалы және оны одан әрі дамыту шаралары, сондай-ақ Астанада ЭКСПО-2017 көрмесін ұйымдастыру және өткізу мәселелері талқыланды.

Сонымен қатар, алдағы мерейтойлық даталарға – Қазақ хандығының 550 жылдығына, Қазақстан Республикасы Конституциясының 20 жылдығына және басқа да халықаралық шараларға байланысты дайындық мәселелері қаралды.

Мемлекет басшысы мәжіліске қатысушылардың назарын әлемдік экономикадағы тұрақсыздықтың Қазақстанға тигізетін теріс ықпалдарына аударды. "Нарықтағы конъюктураның нашарлауына, ел бюджетінің ахуалына, сондай-ақ біздің негізгі экспорттық тауарларымызға деген бағаның төмендеуіне байланысты жалпыға бірдей қаражат үнемдеуді енгізу қажет. Бұл шараларды келесі жылдың бюджетінде де ескеру керек. Ешқандай қиындыққа қарамастан, біз экономика өсімінің қарқынын төмендетуге және азаматтарымыздың әлеуметтік жағдайын нашарлатуға жол бермеуге тиіспіз. Халық алдындағы барлық әлеуметтік міндеттемелерді орындау керек. Біз осы бір күрделі кезеңді еңсеруге тиіспіз", - деді Нұрсұлтан Назарбаев.

Айта кетейік, мәжіліске премьер-министрдің бірінші орынбасары, Президент Әкімшілігі басшысының орынбасары, Президенттің көмекшісі және Ұлттық экономика министрі де қатысты.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай