+7 (777) 001 44 99
Қазақша
Русский
English
02 мамыр 2018 | 17:03
Нұрсұлтан Назарбаев Астанадағы жаңа мешітке барды
Барша мұсылман қауымы үшін қасиетті Рамазан айы қарсаңында Мемлекет басшысы елордалық "Сарыарқа" ауданында орналасқан жаңа мешітке барды, - деп хабарлайды Tengrinews.kz тілшісі Ақорда сайтына сілтеме жасап.
ПОДЕЛИТЬСЯ
Барша мұсылман қауымы үшін қасиетті Рамазан айы қарсаңында Мемлекет басшысы елордалық "Сарыарқа" ауданында орналасқан жаңа мешітке барды, - деп хабарлайды Tengrinews.kz тілшісі Ақорда сайтына сілтеме жасап.
Қазақстан Президентіне мешіттің салыну барысы, сондай-ақ осы ғимаратты электр қуатымен және жылумен қамтамасыз ету үшін пайдаланылатын баламалы энергия көздері жөнінде мәлімделді.
Есіл өзенінің оң жағалауында орналасқан мешіттің құрылысы 2016 жылы басталды. Жаңа мешіт қайырымдылық мақсатпен жиналған қаражат есебінен тұрғызылды. Мешіт ғимараты дәстүрлі өрнектер мен декоративті элементтер қолданыла отырып, постмодернизм стилінде салынған. Негізгі ғимарат күрделі әрі жартылай сфералық нысанды елестетеді. Оның қабырғалары үшбұрыштана сүйірленіп, диаметрі 26 метрлік күмбезбен жалғасқан. Мешіттің сыртқы дизайны гүлді әрі алмастың қырларын еске салады.
Мешіттің басты ғимаратының солтүстік жағында орналасқан мұнараның биіктігі - 43,5 метр. Ол "қалам" - "қасиетті қауырсын" түрінде бой көтерген. Мешіт ғимаратының ауданы - 2248 шаршы метр. Орналасқан жердің ауданы - 1,44 гектар.
Жаңа мешітті энергия қуатымен қамтамасыз ету үшін пайдаланылатын баламалы энергия көздері қажетті мөлшерден үш есе көп электр қуатын өндіреді. Жаңа мешіт 750 адамға лайықталған.
Суреттер Ақорда сайтынан
Показать комментарии
Читайте также
