+7 (777) 001 44 99
ПОДЕЛИТЬСЯ
Қазақстан Президенті Нұрсұлтан Назарбаев "Түрікменнің Ел ағасы" атанды. Екі ел арасындағы қарым-қатынастың нығаюына қосқан үлесі үшін осындай атақ пен төсбелгіні сейсенбі күні Түрікменстан президенті Гурбангулы Бердымұхамедов тапсырды, - деп хабарлайды КТК телеарнасы.
Қазақстан Президенті Нұрсұлтан Назарбаев "Түрікменнің Ел ағасы" атанды. Екі ел арасындағы қарым-қатынастың нығаюына қосқан үлесі үшін осындай атақ пен төсбелгіні сейсенбі күні Түрікменстан президенті Гурбангулы Бердымұхамедов тапсырды, - деп хабарлайды КТК телеарнасы.
Естеріңізге сала кетсек, 2 желтоқсан күні Нұрсұлтан Назарбаев Түрікменстанға ресми сапармен барды. Сапар барысында Қазақстан Президенті Қазақстан-Түрікменстан-Иран халықаралық теміржол магистралінің ашылу салтанатына қатысады деп жоспарланған.
Елбасының баспасөз қызметінің мәлімдеуінше, келіссөз барысында Нұрсұлтан Назарбаев біздің ел Түрікменстанды туыс және сенімді серіктес санайтынын жеткізген. Сондай-ақ Назарбаев тауар айналымы деңгейінің өскенін, алдағы уақытта сауда-экономикалық қарым-қатынасты одан әрі арттыру керек екенін атап өтті.
"Әлемде болып жатқан келеңсіз өзгерістерге қарамастан Қазақстан мен Түрікменстан арасында сауда қатынасының өскені байқалады. Бұл біздің экономикамыздың дамығанын көрсетеді. Біз сауда-саттық көлемін миллиард долларға жеткізу үшін бар мүмкіншілікті пайдалануымыз керек", - деді Қазақстан Президенті Нұрсұлтан Назарбаев.
