Өрт кезінде шахтадан 63 адам қауіпсіз жерге шығарылды

14 Ақпан 2014, 10:25
0
Өрт кезінде шахтадан 63 адам қауіпсіз жерге шығарылды - ©Нұрғиса Елеубеков
©Нұрғиса Елеубеков
Ақмола облысында "Қазақалтын" тау-кен - металлургия концерніне қарасты "Западная" шахтасында өрт болды деп хабарлайды Tengrinews.kz ҚР Төтенше жағдайлар министрлігіне сілтеме жасап.

"13 ақпан күні сағат 05.20-да Степногорск қаласының Бестөбе елді мекенінде "Қазақалтын" тау-кен - металлургия концерні" АҚ-на қарасты "Западная" шахтасында ағаш материалдар өртенді. Өрт 08.17-де ауыздықталған. Жалын шарпыған аудан - 0,5 шаршы метр", - делінген министрліктің хабарламасында.

Төтенше оқиға кезінде шахтадан 63 адам қауіпсіз жерге шығарылған. Зардап шеккендер мен құрбан болғандар жоқ. Өртті сөндіруге "Жолымбет әскерилендірілген таудан құтқару жасағы" кәсіпорны филиалының 8 маманы мен 3 техникасы қатысты.

Өткен жылдың соңында "Қазақалтын" корпорациясының Ақмола облысындағы кен орындарында төтенше оқиғалар жиі тіркелген еді. Қарашаның 21-і күні Шортанды ауданының Жолымбет елді мекеніндегі "Центральная" шахтасында жарылыс салдарынан бір жұмысшы қайтыс болды. Ал қазан айында осы шахтада екі жұмысшыны үйінді басып қалған еді.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай