Орталық коммуникациялар қызметінің ресми өкілі тағайындалды

06 Ақпан 2017, 12:54
0
Орталық коммуникациялар қызметінің ресми өкілі тағайындалды - © Ярослав Радловский
© Ярослав Радловский

Орталық коммуникациялар қызметінің директорының орынбасары-ресми өкілі тағайындалды, - деп хабарлайды Tengrinews.kz тілшісі. 

Орталық коммуникациялар қызметінің директоры Евгений Кочетов ҚР АКМ ОКҚ директорының орынбасары-ресми өкілі, осы уақытқа дейін ҚР ҚМ Мемлекеттік кірістер Комитеті Қоғаммен байланыс жөніндегі басқарма басшысы қызметін атқарған Жұманбай Мұратты ұжымға таныстырды.

Жұманбай Мұрат 1983 жылы 18 қаңтарда Қарағанды қаласында дүниеге келген. 2004 жылы Қазақ гуманитарлық-заң университетін (Астана) үздік тәмамдап, ал 2006 жылы Қазтұтынуодағы Қарағанды экономикалық университетін бітірді (Қарағанды). Еңбек жолын 2004 жылдың қазан айынан өз мамандығы бойынша Қаржы полициясы Академиясында оқытушы, аға оқытушы, ғылыми дәрежедегі зерттеуші қызметінен бастады.

2009 жылдың сәуірінен бастап Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінің (қаржы полициясы) ресми өкілі қызметін атқарды және ведомствоның баспасөз орталығын басқарды. 2014-2016 жылдары ҚР Мәжіліс Аппараты Баспасөз қызметінің басшысы - ҚР Парламент Мәжілісі Төрағасының кеңесшісі. 2016 жылы ҚР Парламент Сенаты құқықтық сараптау бөлімінің бас консультанты, ҚР ҚМ Мемлекеттік кірістер комитеті Қоғаммен байланыс жөніндегі Басқарма басшысы қызметін атқарды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай