Өскеменде жолақы құнын талқылаған депутаттар төбелесе жаздады

13 Қаңтар 2017, 17:41
0
Өскеменде жолақы құнын талқылаған депутаттар төбелесе жаздады -

Өскеменде қоғамдық көліктердің жолақы құнын талқылау барысында депутаттар төбелесе жаздады, - деп хабарлайды Tengrinews.kz тілшісі.

Бүгін өңірлік халық таңдаулылары қоғамдық көлікпен жүру құнын 75 теңгеден 90 теңгеге дейін өсіру туралы шешім шығарды. Жаңа тариф келесі айдан бастап енгізіледі. Осы шешімді депутаттар жеті ай бойы талқылапты. Сөйтсек, бұл мәселені депутаттар қызу талқылаған көрінеді.

"Төбелес те бола жаздады, пікірталас өте қызу өтті. Қарсыластар жеке басқа өтіп, көзқарасын қорғамақшы болды", - деді қалалық мәслихаттың депутаты Станислав Каримов.

Ортақ шешімге келу азаматтардың белгілі бір категориясына жеңілдік қарастырылатыны ескерілгеннен кейін ғана мүмкін болыпты. Мәселен, зейнеткерлер 50 теңге, ал мектеп оқушылары 45 теңгемен жүреді. Студенттер жол жүру билетін 50 пайыз жеңілдікпен сатып ала алады. Сондай-ақ, зауыт жұмысшыларына билет құны бірте-бірте өседі.

Жалпы алғанда, автотасымалдаушылардың есебіне қарағанда, барлық шығынды жабатын және автопарктерге дамуға мүмкіндік беретін тиімді тариф 176 теңге болуы керек екен.

Айта кетейік, Астанада қоғамдық көлікпен жүру құны 90 теңге, ал Павлодар мен Алматыда 80 теңге.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай