Осы елге керек екенімді сезінемін - Елбасы

17 Наурыз 2017, 23:20
0
Осы елге керек екенімді сезінемін - Елбасы -

Бұл жұмыс қолымнан келеді, сондықтан жұмыс істеп жатырмын. Қазақстан Президенті Нұрсұлтан Назарбаев билікті мұрагерлікпен беру мәселесіне қатысты осындай пікір білдірді. Ақордада журналистермен кездесу барысында Tengrinews.kz тілшісі. Сұхбат республикалық телеарналардың эфирінде көрсетілді.

"Сіз біздің еліміздің негізі қаланғаннан бері Президент қызметінде келе жатырсыз. Қарапайым адам ретінде осындай ауыр жұмыстан шаршаған жоқсыз ба? Екіншіден, билікті мұрагерлікпен беру мәселесі көп адамдарды, оның ішінде осында отырғандарды да ойға салады. Сіз салған елдің стратегиялық бағыты сақталып келе ме?", - деп сұрақ қойды "Қазақпарат" ақпарат агенттігінің бас директоры Әсел Төлегенова.

"Парламент халықтың өтінішімен Конституцияның 91-бабына стратегиялық бағыттың сақталатыны жайлы өзгертулер енгізуді шешті. Белгілі саясаткер айтқандай: "Мен қолымнан келетін дүниенің барлығын жасадым. Менен кейін бұдан жақсырақ етіп жұмыс істеп көріңіздер". Бұл жақсы айтылған жауап. Мен жасым жайлы айтып кеттім. "Жас па, кәрі ме" деген сұрақтар да - бос, мағынасыз қойылатын сұрақтар. Шалдарға ұқсайтын 30 жастағы адамдар бар. 30 жастағы белсенді адамдарға ұқсайтын 80 жастағы адамдар да бар. Барлығы адамның өзіне байланысты. Бірақ мынадай бір сұрақ бар - мемлекет басшысы міндеттерін атқара отырып, адамдардың өмірін жылдан жылға жақсарта ма, әлде жоқ па? Міне, мәселе осында. Маргарет Тэтчер кезінде осы сұраққа былай деп жауап беріпті: "Мен Англияға қашанға дейін қажет болсам, сол уақытқа дейін және шаршағанымша жұмыс істеймін. Тағы бір ағылшын Уинстон Черчилльдің мына бір сөзі бар: "Менің бұл жерде болуым - кездейсоқ емес, керісінше, заңдылық. Мен осы жұмыс үшін арналғанмын", - деді Назарбаев.

"Ал сіздің ішкі сезімдеріңіз қандай - Президенттің емес, адам ретіндегі?",- деп тағы бір сұрақ қойды Төлегенова. "Адам ретіндегі? Әрине, жұмыс қиын. Үнемі ойда жүресің, осы мемлекет үшін тағы не істеуге болатыны жайлы ойлап жүресің. Бірақ менің өзімнің осы елге керек екенімді сезінемін. Бұл жұмыс қолымнан келеді, сондықтан жұмыс істеп жатырмын. Сіздерге тағы да бір айтып өткім келеді, мен 2020 жылға дейін сайланғанмын. Әлі ойлануға уақыт бар. Біріншіден, барлығы халықтың сеніміне байланысты болады. Екіншіден, жұмыс істейтін адамның күш-қуаты мен денсаулығы. Президенттің жұмысы осындай. Сен өз күшіңнің 100 пайызын беруің керек, тәжірибеңді, энергияңды деп айтуға да болады. Сенің жағдайың осылай жұмыс істеуге мүмкіндік берсе, мұнда істейтін ештеңе жоқ. Барлығы уақытқа байланысты", - деді Президент.

Еске салайық, кездесуге қатысушылар "Қазақстанның үшінші жаңғыруы: жаһандық бәсекеге қабілеттілік" атты жолдауды іске асыру аясында ел экономикасын трансформациялау үдерісінің бірқатар аспектілерін, сыбайлас жемқорлыққа қарсы күрес мәселелерін, қазіргі саяси жаңғыру кезеңінің ерекшеліктерін, БҰҰ Қауіпсіздік кеңесінің тұрақты емес мүшесі ретіндегі Қазақстанның сыртқы саяси басымдықтарын, сондай-ақ басқа да маңызды жайттарды талқылады.

Кездесуге "Қазақстан", "Хабар", "МИР" телеарналарының, "Айқын" газетінің, "Esquire" журналының, "Қазақпарат" ақпарат агенттігінің журналистері қатысты. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай