Оянуға да мүмкіндігі болмаған - Ильин Астанада қаза тапқан балалар жайлы

12 Ақпан, 16:22
0
Оянуға да мүмкіндігі болмаған - Ильин Астанада қаза тапқан балалар жайлы - © Фото Тұрар Қазанғапов
© Фото Тұрар Қазанғапов

Ішкі істер министрінің орынбасары Юрий Ильин жекеменшік үйлердің соғылуы кезінде техникалық қауіпсіздік шараларын сақтау мәселесі жайлы пікір жасады, - деп хабарлайды Tengrinews.kz тілшісі.

"Қыздар улы газдан тұншығып қалған. Өрт басталған кезде олардың оянуға да мүмкіндігі болмаған. Түтіндік кірпішпен қапталмаған, ол сыртқы шатырдың қаптамасымен жалғанып тұруы керек еді. Ол жақта жай ғана мұржа мен жылытқыш болған. Осы заттар өрттің себебі болды", - деді Ильин үкіметтің баспасөз мәслихатының үзілісінде.

Ол қазіргі заңнама оларға жекеменшік үйлердің құрылыс жобасын тексеруге мүмкіндік бермейтінін айтты.

"Бұл құрылыс жобалары мемлекеттік органдармен келісілмей жасалады, оның ішінде Төтенше жағдайлар комитетімен. Бізде ондай құзырет жоқ. Мемлекеттік сәулет-құрылыс бақылау басқармасы да үйдің жобасын тексермейді. Сәйкесінше біз осындай мәселелерге тап боламыз. Төтенше жағдайлар комитеті мұндай үйлерде тұруға тыйым сала алмайды. Сондықтан да өрттің болуының себеп-салдары осыдан шығады", - деді Юрий Ильин. 

Еске салайық, 4 ақпанда Астанада жекеменшік үйдегі өрт салдарынан бес бала қаза тапқан еді. Қайғылы оқиға Сарыарқа ауданы Шыңғыстау көшесінде болды. От сөндіру барысында 2006, 2008, 2013, 2015 және 2018 жылдары дүниеге келген бес баланың мәйіті табылды. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай