Павлодар түрмелерінде жұмыспен қамтылғандар 25 мың теңге еңбекақы алады

08 Мамыр 2015, 11:27
0
Павлодар түрмелерінде жұмыспен қамтылғандар 25 мың теңге еңбекақы алады - © pavlodarnews.kz
© pavlodarnews.kz

Павлодарда абақтыда жазасын өтеп жатқандардың 50 пайыздан астамы жұмыспен қамтылған, - деп хабарлайды pavlodarnews.kz.

Порталдың мәліметінше, Павлодар облысында темір тордың ар жағында жазасын өтеп жатқан азаматтардың саны - 3 мыңға жуық. Бүгінгі таңда олардың 53,5 пайызы жұмыспен қамтылған.

Павлодар облыстық қылмыстық-атқару жүйесі департаментінің өкілі, әделіт майоры Айгүл Сыздықованың айтуынша, сотталғандарды жұмыспен қамту мақсатында ведомство мамандары өңірдегі шағын және орта бизнес өкілдерімен тығыз қарым-қатынас орнатқан. Ал еліміз бойынша түзету мекемелерінде жазаларын өтеп жатқандардың 48 пайызы екі қолға бір күрек тапқан.

"Павлодар облысындағы 5 түзету мекемесінде жұмыспен қамтылған тұрғындар 25 мың теңге көлемінде еңбекақы алады. Жуырда Шідерті ауылындағы қоныс колониясындағы 15 адам "Нұрлы жол" бағдарламасы аясында жол құрылысшысы мамандығы бойынша білім алып, сертификаттарға ие болды. Алдағы уақытта олар республикалық маңыздағы "Астана-Павлодар" тас жолын салуға атсалыспақ", - деді Сыздықова.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай