Петропавл спорт интернатының тәрбиеленушілері әлімжеттік көретінін айтты

05 Желтоқсан 2014, 10:08
0
Петропавл спорт интернатының тәрбиеленушілері әлімжеттік көретінін айтты - КТК телеарнасы кадрынан
КТК телеарнасы кадрынан

Петропавлдың спорттағы дарынды балаларға арналған мектеп-интернаты тәрбиеленушілері әлімжеттік көріп жүрміз деп арызданды, - деп хабарлайды КТК. Интернат тәрбиеленушілері ата-аналарының сөзіне қарағанда, олардың балаларына жоғары сынып оқушылары қысым көрсетеді. Олар өздерінен кішілерді ұрып-соғып, электрошокермен қинайды. Айтуларына қарағанда, мұның барлығына бапкерлер мен ұстаздар бейжай қарап отыр.

Бүркітбай Сүлейменов дзюдоист ұлының жыл бойы алған дене жарақаттарын санап шықты. Екі ай бұрын оның ұлы Қайсар үйге мүгедек болуға шақ күйінде жеткен. "Бауырында, көкбауырында, бүйрегінде, барлық жерінде өзгеріс бар. Естімейді, оны үнемі ұрған, басынан ұрған", - дейді Сүлейменов. Жанжалға қатысты полиция тергеу жұмыстары мен көзбе-көз беттестіру шараларын бастады.

Алайда мектеп-интернатының басшылығы әлімжеттік деректерін жоққа шығарып отыр. "Мен сізге нақты айтамын, бізде әлімжеттік жоқ. Себебі үлкендер ренжітер болса, ол өте қауіпті. Мен барлық линейкада айтамын, егер үлкендер өздерінен кішілерді ренжіткен болса, үлкендер кінәлі", - деді Петропавлдың спорттағы дарынды балаларға арналған мектеп-интернатының директоры Аманкелді Даиров. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай