Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Ресейден келетін су екі есеге қымбаттап кеткен

24 Мамыр 2016, 09:46
0
© arnapress.kz
© arnapress.kz

Суды Ресейден алып отырған Батыс Қазақстан облысы биыл тіршілік нәрінен тарығуы мүмкін. Өйткені рубль бағамының құбылуынан су ақысы екі есеге қымбаттап кеткен. Бұл жайында "Астана" телеарнасының тілшілеріне "Қазсушашар" мекемесінің облыстық филиалының мамандары айтты.

Батыс Қазақстан облысы ауыл шаруашылығына қажетті судың 80 пайызын Ресейден рубльмен сатып алады. Олар 1993 жылдан бері суға ақша алып келеді. Өңірге қажетті 107 миллион текше метр су үшін жыл сайын мемлекеттен 1 миллиард теңгеден астам қаржы бөлінеді.

Аймақтағы бас инженер-гидротехник Шынболат Ермағамбеттің айтуынша, 40 миллион текше метр су сатып алуға ақша жетпей қалды. Бұл - шамамен 622 миллион теңге. Енді су шаруашылығы мамандары қосымша қаржы көзін іздеуге кіріскен. Егер су қажетті мөлшерде сатып алынбаса, өңірдегі өзен-көлдер суалып қалуы мүмкін, дейді салаға жауапты мамандар.

"Бюджетті қорғау кезінде теңгеге шаққанда рубльдің курсы 3,5 теңге болған. Сол бағаммен өтіп кетті де, артынан курс өсіп кетті. 622 миллион теңгедей қосымша ақша керек, жеткілікті су алу үшін. Үкімет пенен облыс әкімдігі жұмыстанып жатыр. Бізден сұратылған есептер мен материалдардың бәрін әкімдікке де бердік, Астанаға да бердік.", - деді "Қазсушар" РМК БҚОФ бас инженер-гидротехнигі Шынболат Ермағамбет.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай