Риддердегі шұңқырға құлаған үй иелеріне ақша берілді

17 Сәуір 2014, 14:11
0
Риддердегі шұңқырға құлаған үй иелеріне ақша берілді - Риддердегі үй құлаған шұңқыр.
Риддердегі үй құлаған шұңқыр.

 ШҚО әкімі Бердібек Сапарбаев Орталық коммуникациялар қызметінің брифингінде Риддерде қираған үйге қатысты мән-жайды түсіндірді, деп хабарлайды Tengrinews.kz.

"Қазіргі таңда бұл мәселе жан-жақты қарастырылуда. "Қазцинк" Риддерде қираған үйдің иелеріне басқа үй сатып алуға немесе жаңа үй салуға жетерліктей қаржы бөлді. Сондай-ақ сол аймақтағы басқа 43 үйге де әр тұрғын үйдің жағдайына қарай 100 және 200 мың теңге матриалдық көмек көрсетілді, деп жауап берді әкім журналистердің сұрақтарына.

Естеріңізге сала кетейік, жақында Риддер қаласында тұрғын үйлер маңында пайда болған шұңқырға бір үй құлап кеткен болатын.

"Әзірге біз "Қазцинк" компаниясын бұл төтенше оқиғаға кіналап, қандай да бір жаза қолдана алмаймыз. Өйткені бүгінде төтенше жағдайлар қызметкерлерінен, экологтардан, басқа да мамандардан құрылған комиссия аталған оқиғаны тексеріп жатыр. Осы комиссия кімнің кінәлі екенін нақты анықтауы тиіс. Сонда ғана біз кінәлілерге жаза қолдана аламыз", деді Б.Сапарбаев.

Үстіміздегі жылдың 4-сәуірінде Риддер қаласында пайда болған көлемі 50 де 50 шұңқырға бір тұрғын үй құлап кеткен болатын. Әйтеуір, ең бастысы тұрғындар дін аман. Төтенше жағдай Риддер-Сокольский кенішінің маңында орын алған. Шұңқыр маңында басқа да 50-ге жуық тұрғын үй бар. Осы оқиғаға байланысты қазіргі кезде  Риддер-Сокольский кеніші тексерілуде. Шахта жұмысы уақытша тоқтатылған. 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай