1. Басты
  2. Біл
  3. Жаңалықтар
  4. Ел жаңалықтары

SCAT әуе компаниясына қатысты тексеру басталды08 сәуір 2014, 11:42

Фото avia.airget.ru.com сайтынан Фото avia.airget.ru.com сайтынан

ҚР Көлік және коммуникация министрлігінің Азаматтық авиация комитеті SCAT әуе компаниясын тексеруге кірісті деп хабарлайды Tengrinews.kz  тілшісі министрліктің баспасөз қызметіне сілтеме жасап. 

"SCAT әуе кемелеріне қатысты инциденттер бойынша азаматтық авиация комитеті тексеріс жүргізуді бастады. Соның нәтижесі бойынша аталған оқиғалардың себептері анықталады. Сондай-ақ әуе компаниясының ұшу қауіпсіздігін қамтамасыз ету шараларына жаппай тексеріс жүргізіледі", - делінген министрліктің ресми хабарламасында.

Айта кетейік, сәуірдің 7-сі күні Астана әуежайына SCAT әуе компаниясының Шымкент - Астана бағытындағы "Боинг-737" ұшағы апатты жағдайда қонған болатын. Оның алдыңғы шассиінен ақаулық шықты. Азаматтық авиация комитеті мен Төтенше жағдайлар министрлігі қызметкерлерінің бірлескен жұмысының арқасында әуе кемесі сәтті қонды. Бортта болған барлық 94 адамның (5 экипаж мүшесі және 84 жолаушы) ешқайсысы зардап шеккен жоқ. Бұл оқиғаға қатысты қылмыстық іс қозғалды.