1. Басты
  2. Біл
  3. Жаңалықтар
  4. Ел жаңалықтары

Шекарашылар Алматыда Қытай азаматынан Қазақстан төлқұжатының бланкілерін тәркіледі17 наурыз 2014, 13:24

©ҚР ҰҚК ШҚ баспасөз қызметі ©ҚР ҰҚК ШҚ баспасөз қызметі
Қытай азаматынан 300-ге жуық Қазақстан төлқұжатының бланкілері тәркіленді. Олар Алматы аэропортынан ұшайын деп жатқан жерінен ұсталған, деп хабарлайды Tengrinews.kz тілшісі Қазақстан ҰҚК Шекара қызметінің баспасөз қызметіне сілтеме жасап. "Алматы" өткізу-бақылау пунктінің шекаралық наряды "Алматы-Гонконг" бағытындағы КС-929 рейсін рәсімдеу барысында екі Гонконг азаматын ұстап, олардың қол жүктерінен 291 дана ҚР шетелдік ұлттық төлқұжатының бланкілерін анықтап тәркіледі, олардың 250-і көк түсті болса, 40 данасы күрең қызыл түсті болып шықты, сондай-ақ күрең түсті төлқұжаттың біреуінде фотокарточка мен бағыттық деректер жазылған", - делінген таратылған хабарламада. Сонымен бірге ведомствоның мәліметінше, оларда аталған төлқұжаттармен бірге құжатты түпкілікті дайындап, пайдалануға қажетті бір орам голографикалық лента қоса болған. "ҚР ҚПК 185-бабын басшылыққа ала отырып аталған дерек бойынша материалдар ҰҚК Алматы қаласы бойынша департаментіне жіберілді",- дейді ведомствоның баспасөз қызметі.