Шымкент қаласы мен Түркістан облысының ҚАЖД басшылары тағайындалды

07 Шілде 2018, 15:37
0
© ҚР ІІМ баспасөз қызметі
© ҚР ІІМ баспасөз қызметі

Шымкент қаласының және Түркістан облысының қылмыстық-атқару жүйесі департаменттерінің басшылары тағайындалды, - деп хабарлайды Tengrinews.kz тілшісі ҚР ІІМ баспасөз қызметіне сілтеме жасап.

Ішкі істер министрінің орынбасары полиция генерал-майоры Берік Бисенқұлов Шымкент қаласының және Түркістан облысының қылмыстық-атқару жүйесі департаменттерінің жеке құрамына жаңа басшыларын таныстырды.

Шымкент қаласы бойынша Қылмыстық-атқару жүйесі департаметінің бастығы болып әділет полковнигі Атэльбек Досмағамбетов тағайындалды. Досмағамбетов РФ Свердлов заң институтын тәмамдаған. Бұрын Оңтүстік Қазақстан облысы бойынша қылмыстық-атқару жүйесі департаментінің бастығы лауазымында қызмет атқарды.

Түркістан облысы бойынша Қылмыстық-атқару жүйесі департаментінің бастығы лауазымына бұрын ҚР ІІМ Қылмыстық-атқару жүйесі комитеті Жедел басқармасының бастығы лауазымында болған әділет полковнигі Талғат Абдранбаев тағайындалды. Абдранбаев ҚР ІІМ Қарағанды жоғарғы мектебін тәмамдаған.

Ішкі істер министрінің орынбасары полиция генерал-майоры Берік Бисенқұлов департаменттердің жаңа бастықтарына жемісті еңбек тіледі.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай