Шымкент түбіндегі Ан-72 апаты: Сотталушы кассациялық шағым келтірді

03 Қараша 2014, 12:13
0
Шымкент түбіндегі Ан-72 апаты: Сотталушы кассациялық шағым келтірді - Сотталушы Қанат Ақылбеков (сол жақта), адвокат Ардақ Балпықов (оң жақта). ©Марина Низовкина
Сотталушы Қанат Ақылбеков (сол жақта), адвокат Ардақ Балпықов (оң жақта). ©Марина Низовкина

Шымкент түбінде болған Ан-72 ұшағының апатына байланысты сотталушы кассациялық шағым келтірді, - деп хабарлайды Tengrinews.kz тілшісі осы жылдың сәуірінде ҚР ҰҚК Шекара қызметі ұшағының апатына кінәлі деп танылған Қанат Ақылбековтің адвокатына сілтеме жасап.

"Ан-72 ұшағының апаты менің қорғауымдағы адамның кінәсінен болмады деп есептеймін және іс бойынша сот актілері қайта қаралатынына, Қанат Ақылбековке қатысты қылмыстық істің тоқтатылатынына үміттенемін", - деп хабарлады адвокат Ардақ Балпықов.

2014 жылдың 28 сәуірінде Шымкенттегі Абай аудандық сотының үкімімен Қанат Ақылбеков абайсыздықта Ан-72П ұшағының апатқа ұшырауына себеп болған әуе көлігі қозғалысы қауіпсіздігі ережесін бұзуға айыпты деп танылды. Оған қоныс-колонияда 6 жылға бас бостандығынан айыру түрінде жаза тағайындалды. Әуе апаты салдарынан экипаждың 7 мүшесі мен 20 әскери қайтыс болған еді.

Сот шешімімен келіспеген адвокат алғашқы инстанцияның үкіміне шағым келтірді. Оңтүстік Қазақстан облыстық сотының 2014 жылдың 27 маусымындағы қаулысымен Қанат Ақылбековтің жазасы қоныс-колонияда 4 жылға бас бостандығынан айыруға дейін азайтылды.

Еске сала кетейік, 2012 жылдың 25 желтоқсанында Оңтүстік Қазақстан облысының Сайрам ауданында Астана - Шымкент бағыты бойынша ұшуды орындаған Ан-72 әскери ұшағы апатқа ұшыраған еді. Оның бортында 27 адам болды. Апаттан ҚР ҰҚК Шекара қызметінің барлық дерлік жетекшісі қаза тапты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай