Шымкентте "7-20-25" бойынша берілетін баспана бағасы 25 миллион теңгеге дейін өсті

10 Қыркүйек 2018, 12:29
0
Шымкентте "7-20-25" бойынша берілетін баспана бағасы 25 миллион теңгеге дейін өсті -

Шымкентте "7-20-25" бағдарламасы бойынша берілетін баспананың бағасы 25 миллион теңгеге дейін өсті, - деп хабарлайды Tengrinews.kz тілшісі.

Ұлттық банк басқармасы қабылдаған үкімге сәйкес, Шымкентте "7-20-25" бағдарламасы бойынша баспананың шекті сомасы 25 миллион теңге дейін көбейді.

Еске сала кетейік, биыл 19 шілдеде Шымкентке республикалық маңызы бар қала мәртебесі берілген болатын. Мемлекет басшысы жарлыққа жария түрде қол қойған еді.

"Бұл Шымкент тұрғындары үшін жағымды жаңалық. Қалада тұрғын үй құрылысы белсенді түрде дамып келеді. Бүгінде Шымкентте 700 мың шаршы метр тұрғын үй салынуда. Лимиттің ұлғаюы қала тұрғындарына тұрғын үй жағдайын жақсартуға қосымша мүмкіндік береді", - деді "Баспана" Ипотекалық ұйымы басқармасының төрағасы Қайрат Алтынбеков.

Осылайша, еліміздің 5 қаласында (Астана, Алматы, Ақтау, Атырау және Шымкент) бағдарлама аясында тұрғын үйді сатып алудың ең жоғарғы сомасы 25 миллион теңгеге жетті. Басқа өңірлерде бағдарлама бойынша тұрғын үйді 15 миллион теңгеден қымбат емес бағаға сатып алуға болады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай