Шымкент қаласында Қазақстан халқы бірлігі күніне орай мың домбырашы өнер көрсетті, - деп хабарлайды Tengrinews.kz тілшісі Шымкент қаласы әкімінің баспасөз қызметі
Шымкент қаласында Қазақстан халқы бірлігі күніне орай мың домбырашы өнер көрсетті, - деп хабарлайды Tengrinews.kz тілшісі Шымкент қаласы әкімінің баспасөз қызметі
"Шымкенттіктер 1 мамырды ауқымды мәдени бағдарламалармен атап өтті. Облыс орталығында 2 күн бойы мерекелік шаралар ұйымдастырылды. Бұл қатарда 29 сәуірде Әл-Фараби алаңында аты аңызға айналған Турецкий хорының солистері жергілікті тұрғындарға әсерлі кеш сыйлады. Ресейлік өнерпаздар тіпті, өз репертуарында қазақ әндерін де орындады. 1 мамырда Әл-Фараби алаңында достықтың нағыз үлгісі ұсынылды. Өңірдегі түрлі этнос өкілдері ұлттық нақышта киініп, елдегі бірлік пен тұрақтылықты ұлықтады", - дейді баспасөз қызметіндегілер.
Сондай-ақ, мерекелік іс-шаралардың қаладағы Абай, Жеңіс, Орталық саябақтарында, сонымен қатар, "Нұрсәт" шағынауданындағы Бәйтереков атындағы гүлзарда да жалғасқаны айтылады.