1. Басты
  2. Біл
  3. Жаңалықтар
  4. Ел жаңалықтары

Синоптиктер алдағы күндері елімізде ауа райының қандай болатынын айтты25 ақпан 2016, 11:29

© Тұрар Қазанғапов © Тұрар Қазанғапов

Елімізде алдағы күндері ауа температурасы жоғары болады, - деп хабарлайды Tengrinews.kz тілшісі "Қазгидромет" кәсіпорнына сілтеме жасап. Синоптиктер 25-27 ақпанға арналған ауа райы болжамын жария етті.

Синоптиктердің мәліметінше, Сібір антициклоны атлантика циклонымен байланысты ылғалы мол жылы ауа массасының ығыстыруымен, ыдырап барады. Ал оның орнына еліміздің аумағына Ресейдің Еуропалық аумағынан және оңтүстік-батыс Азиядан жылы атмосфералық фронттар келеді.

"Атмосфералық фронттарға байланыста еліміздің басым аумағында жауын-шашынды, бұлтты (жаңбыр, қарлы жаңбыр) болады. Сонымен қатар, тұман түсіп, көктайғақ болады, солтүстік облыстарда желдің жылдамдығы секундына 15-23 метрге жетеді. Дегенмен, ауа температурасы климаттық нормадан әлі де жоғары болады", - деп хабарлады метеорологтар. 

Еске сала кетейік, синоптиктер қаңтар айының соңында ақпан айына арналған ауа райы болжамын жариялап, қыстың соңғы айында елімізде ауа райының қарлы әрі аязды болатынын болжаған еді.