Соққыға жығылған "Ертіс" футбол клубының басшысы қызметінен кетті

27 Маусым 2014, 14:43
0
Соққыға жығылған "Ертіс" футбол клубының басшысы қызметінен кетті - ©"Ертіс" футбол клубы
©"Ертіс" футбол клубы

Өткен мамыр айында соққыға жығылған "Ертіс" футбол клубының директоры Хәлімжан Ержанов денсаулығына байланысты қызметтен кетті, - деп хабарлайды Tengrinews.kz  тілшісі клубтың ресми сайтынан сілтеме жасап. 

"Бүгін денсаулығына байланысты Хәлімжан Ержанов "Ертіс" футбол клубының директоры қызметінен кетті", - делінген ресми хабарламада. 

Айта кетейік, мамырдың 18-і күні "Ертіс" футбол клубының басшылығына шабуыл жасалған болатын. Лифттен шығар жолда клубтың техникалық директоры Болат Ысқақов пен бас директор Хәлімжан Ержановқа белгісіз біреулер жабылып, соққыға жыққан. Соның салдарынан Ысқақов басынан қатты жарақат алды. Ал Хәлімжан Ержанов аурухана қызметінен бас тартты.

Бір айдан кейін осы қылмысқа қатысы бар деген төрт адам ұсталды. Олардың ішінде ұйымдастырушы мен атқарушылар бар. Барлығы - Павлодар қаласының тұрғындары. Жастары - 28-30 шамасында. Екеуі бұған дейін қарақшылық пен адам өлтіргені үшін сотталған болатын. Қылмыскерлер бетперде киіп, шабуыл жасаған. Күдіктілердің біреуі маусымның 13-інде қолға түссе, қалғаны 14-15-і күндері ұсталған болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай