Туризм және спорт министрі Ербол Мырзабосынов үкімет отырысында премьер-министр Олжас Бектеновке Қазақстанның туристік әлеуетін ілгерілету шаралары туралы баяндады. Атап айтқанда, ведомство басшысы TikTok желісіндегі жарнамалық науқандардың нәтижелері туралы айтып берді, деп хабарлайды Tengrinews.kz.
Министрдің айтуынша, цифрлық ілгерілету аясында TikTok және Qunar платформаларында жарнамалық науқандар жүзеге асырылып, олар 19 миллионнан астам қаралым жинаған.
Сонымен қатар жыл басынан бері Қазақстанда Үндістан, Қытай және Жапониядан келген 27 шетелдік БАҚ өкілі мен туроператорлар үшін төрт ақпараттық тур ұйымдастырылған.
Мырзабосынов елдің туристік мүмкіндіктерін одан әрі насихаттау үшін Қытай нарығында маркетингтік жобаларды іске асыру және Оңтүстік Кореяның Hana Tour онлайн туристік платформасымен ынтымақтастықты дамыту жоспарланып отырғанын хабарлады.
