Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Сыртқы істер министрлігі Ресей елшісін түсініктеме беруге шақыртты

11 Сәуір 2014, 10:48
2
Михаил Бочарников.  ©Іnform.kz
Михаил Бочарников. ©Іnform.kz

Қазақстан Республикасының Сыртқы істер министрлігі Ресей елшісі Михаил Бочарниковты түсініктеме беру үшін шақыртты. Бұл туралы Tengrinews.kz тілшісіне ҚР СІМ-нің баспасөз хатшысы Нұржан Айтмаханов мәлім етті.

"Жағдайға түсініктеме алу үшін ҚР Сыртқы істер министрлігіне Қазақстандағы Ресей Федерациясының елшісі Михаил Бочарников арнайы шақыртылды. Ресейдің ресми билігі Штыгашевтің айтқан сөздеріне нақты түсініктеме береді деп ойлаймыз", - деді Айтмаханов. 

Қазақстанның сыртқы саясат ведомствосының ресми өкілі атап өткеніндей, ҚР СІМ Хакасия Республикасының Жоғарғы Кеңес төрағасы Владимир Штыгашевке қатысты Астана Мәскеудегі ресейлік серіктестерімен дипломатиялық каналдар бойынша арнайы жұмыстар жүргізуде. 

"Сыртқы істер министрлігі Хакасия Республикасы Жоғарғы Кеңесінің төрағасы Владимир Штыгашевтің Ресейдің Шығыс Қазақстан облысына қатысты тарихи құқы бары мағынасында ақылға қонымсыз айтқан сөздерін назарға алған. Біз сондай-ақ, Хакасия республикасы атынан Штыгашевтің сөзін дәл мағынасында жеткізе алмаған БАҚ-ын кінәлі деп түсініктеме берген шенеуніктің де сөзіне мән беріп отырмыз", - деді Айтмаханов. 

Оның сөзіне қарағанда, орын алған жағдайға байланысты бұл түсініктемелер жеткіліксіз, әрі қанағантанарлықтай деңгейде емес.  "Біз сондай-ақ, Штыгашевтің ойланбай айтқан сөзіне байланысты елімізде қарсылық білдірілгенін де білеміз. Бұл Қазақстан мен Ресей арасындағы 2005 жылы қаңтардың 18-і күні бекітілген "Қазақстан-Ресей мемлекеттік шекарасы туралы" келісімдерге қайшы да болып табылады. Бұл келісімге сәйкес 2006 жылы қаңтардың 12-і күні екі ел арасындағы шекара сызығы заңдық негізде бекітілген. Ресей Федерациясы ресми өкілдерінің ойланбай айтқан сөздеріне немқұрайлы қарауға болмайды. Қазақстан мен Ресей арасындағы қарым-қатынастың тарихы тереңде, ал екі ел халықтарының рухани байланысы қалыптасқанынын, екі елдің тең құқықты стратегиялық серіктес екенін де естен шығармаған абзал. Мұндай келісімдер сайып келгенде Еуразиялық кеңістіктегі тұрақтылық пен қауіпсіздікті қамтамасыз етуге бағытталғаны белгілі", - деді Айтмаханов.     

Еске саламыз, ресейлік бірқатар БАҚ өкілдері Хакасия республикасы Жоғарғы Кеңесінің төрағасы Владимир Штыгашевтің Ресейдің Шығыс Қазақстан облысы аумағаны қатысты айтқан сөздеріне түрлі мағынада түсініктеме берген болатын.  "Қазақстанда жер аумағы аса үлкен болмаған. Сол уақытта орталық Омбы облысындағы Ишимнің бір бөлігін беріп жіберіп, Қарағандыны құрды. Бұл жағдай 1936 жылы ғана орын алған. Сол уақытта біз Қазақстанға бес облысты берген болатынбыз. Содан бастап, Қазақ АССР-і автономиядан КСР болып өзгертілген. ТМД аясында мемлекеттер арасындағы шекара сызықтары неге дереу бекітілмеді? Себебі, тұрғындар арасында мемлекетті қайта құруға деген құмарлығы артуы мүмкін еді", - деп айтқан болатын Штыгашев. 

Алайда, арада бірер уақыт өткенде Хакасия республикасы Жоғарғы Кеңесі төрағасының орынбасары, қоғаммен байланыс және ақпараттық саясат жөніндегі бөлім бастығы Олег Николаев журналистер Штыгашевтің айтқан сөздерін дәл мағынасында жеткізбеді деп айыптап, ақталған. "Атап өтемін, бір мемлекеттің екінші бір мемлекетке, оның ішінде Қазақстанға қатысты тарихи да, құқықтық таласының бары туралы ХР ЖК аузынан сөз шыққан жоқ", - деп Николаев түсініктеме берген.


Нравится
Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай