Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Тәуелсіздік жылдары Қазақстанға 1 миллионға жуық этникалық қазақ қоныс аударды

26 Қыркүйек 2016, 10:37
10
© lada.kz
© lada.kz

1991 жылдан бастап 2016 жылдың бірінші жартыжылдығына дейін елімізге шетелден шамамен 1 миллионға жуық этникалық қазақ қоныс аударды, - деп хабарлайды Tengrinews.kz тілшісі "Атамекен" ҚР Ұлттық кәсіпкерлер палатасының басқарма төрағасының орынбасары Мұрат Әбеновке сілтеме жасап. Бұл туралы ол Шынтөбе пікірталас клубының алғашқы отырысында айтты.

1995 жыл "Қазақ диаспорасын қолдау бойынша мемлекеттік бағдарлама" әзірленді. Жаңа заңнама қазақстандық азаматтықты алуға жеңілдіктер жасады. 24 жыл ішінде этиникалық қазақтардың тарихи Отанына оралуына жағдайларды жақсарту бойынша нормативтік-құқықтық актілерге өзгерістер енгізіліп отырды. Бүгін қазақ диаспорасының өкілдері әлемнің шамамен 40 елінде өмір сүріп жатыр.

"1991 жылдан бастап 2016 жылдың бірінші жартыжылдығына дейін елімізге шетелден шамамен 1 млиллионнан астам этникалық қазақтар келді, әлеуметтік мемлекеттік бағдарламалар қабылданды. Мөлшерлеп талдау жасадық: барлық келгендердің 75 пайызы ТМД елдерінің өкілдері және 25 пайызы басқа елдерден келгендер. Олар көбінесе Өзбекстан, Қытай және Моңғолиядан келгендер", - деді Мұрат Әбенов.

1991 жылдан бастап 2016 жылдың 1 қаңтар айына дейін тарихи Отанына 261 104 отбасы немесе 957 772 этникалық қазақ келді, бұл жалпы еліміздегі халықтың 5,5 пайызын құрайды. Қазақстардың 61,6 пайызы Өзбекстаннан келді, 14,2 пайызы - Қытайдан, 9,2 пайызы - Моңғолиядан, 6,8 пайызы - Түркменістаннан, 4,6 пайызы - Ресейден және 3,6 пайызы басқа елдерден келді.

Оралмандардың басым бөлігі Оңтүстік Қазақстанға қоныстанды - 21,2 пайыз, Алматы облысында - 16,3пайыз, Маңғыстау облысында - 13 пайыз, Жамбыл облысында - 9,4 пайыз және басқа аймақтарға - 40,1 пайыз. Этникалық қазақстардың ішіндегі еңбекке қабілеттілері 55,6 пайыз, 18 жасқа дейінгі балалар 39,9 пайыз және зейнеткерлер 4,5 пайызын құрайды. Еңбекке қабілетті этникалық қазақтардың ішінде 8,8 пайызы жоғары білімі, 20,6 пайызы - орта білімі, 60,8 пайызы - жалпы орта білімі бар және 9,8 пайыз - білімі жоқ.

Естеріңізге сала кетейік, 2015 жылғы 24 қарашада Мелекет басшысы "Қазақстан Республикасының халықтың көші-қоны және жұмыспен қамтылуы мәселелері бойынша кейбір заңнамалық актілеріне өзгерістер мен толықтырулар енгізу туралы" ҚР Заң жобасына қол қойған болатын (Дереккөз: ҚР премьер-министрінің сайты).


Нравится
Поделиться
Пікірлерді көру (10)
Оқылып жатыр
Талқыланып жатыр
Бүгін
Апта
Ай