+7 (777) 001 44 99
ПОДЕЛИТЬСЯ
Мемлекет басшысы Нұр-Сұлтан қаласындағы №103 қалалық емханаға барды, - деп хабарлайды Tengrinews.kz тілшісі Ақорда сайтына сілтеме жасап.
Мемлекет басшысы Нұр-Сұлтан қаласындағы №103 қалалық емханаға барды, - деп хабарлайды Tengrinews.kz тілшісі Ақорда сайтына сілтеме жасап.
Қасым-Жомарт Тоқаев алғашқы жәрдем және консультациялық-диагностикалық көмек көрсетуге арналған заманауи медициналық құралдармен жабдықталған кабинеттерді аралаған.
"Емханада рентгенография, маммография, флюорография, ЛОР-комбайн, сараптамалық деңгейдегі ультра-дыбыстық зерттеу және басқа да медициналық аппараттар бар. Емхананың соңғы үлгідегі аппараттармен жабдықталуы ауруды дер кезінде анықтап, сапалы медициналық көмек көрсетуге мүмкіндік береді", - деді Ақорда баспасөз қызметіндегілер.
"Салауатты Астана" жауапкершілігі шектеулі серіктестігіне қарасты жаңа амбулаториялық-емханалық кешен бір ауысымда 500 адамды қабылдайды.
Мемлекет басшысына медициналық орталықта тіркелген тұрғындарға 23 сала бойынша алғашқы медициналық-санитарлық және консультациялық-диагностикалық көмек көрсетілетіні туралы айтылды. Сондай-ақ ересектер мен балаларға оңалту қызметтері көрсетіледі. 150 орындық күндізгі стационар жұмыс істейді.
Президент медициналық орталықтың ұжымына жедел жәрдем көлігін алуға сертификат табыстады.
Нұр-Сұлтан қаласының әкімі Алтай Көлгінов Қасым-Жомарт Тоқаевқа елордада алғашқы медициналық-санитарлық көмек көрсететін 36 ұйымның бар екенін баяндады. Оның 16-сы мемлекеттік, 20-сы жекеменшік ұйым. Пандемияның алғашқы толқыны кезіндегі тәжірибе аурудың алдын алуда емханалардың үлкен рөл атқаратынын көрсетті.
Қазіргі таңда елордада 180 мың адам коронавирусқа қарсы екпенің бірінші компонентін алған. 128 мыңнан астам азамат екпенің екінші компонентін салдырды. Еңбек ұжымдарын вакциналау белсенді жүргізіліп жатыр. Ұжымдық иммунитетті қалыптастыру үшін 650 мыңнан астам адамға немесе қала тұрғындарының 60 пайызына екпе егу жоспарланған.
Алғашқы медициналық-санитарлық көмек көрсету ұйымдарындағы вакциналау пункттері 100-ге дейін көбейді, сондай-ақ, сауда және ойын-сауық орталықтарында қосымша 8 пункт қызмет көрсетеді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
