10 қазан 2018 09:31

Түркістан мен Алматы арасында туристік пойыз қатынайды

Камила Долаева Журналист

ПОДЕЛИТЬСЯ

© turanexpress.kz © turanexpress.kz

Таяу уақытта Түркістан мен Алматы қаласының арасында жүрдек пойыз бағыты ашылады. Бұл туралы Түркістан облысы әкімдігінде өткен кездесуде белгілі болды. Бұл туралы "Тұран экспресс" компаниясының бас директоры Роман Ботабеков облыс әкімі Жансейіт Түймебаевпен болған кездесуінде мәлімдеді, - деп хабарлайды Түркістан облысы әкімінің баспасөз қызметі өкілдері.


Таяу уақытта Түркістан мен Алматы қаласының арасында жүрдек пойыз бағыты ашылады. Бұл туралы Түркістан облысы әкімдігінде өткен кездесуде белгілі болды. Бұл туралы "Тұран экспресс" компаниясының бас директоры Роман Ботабеков облыс әкімі Жансейіт Түймебаевпен болған кездесуінде мәлімдеді, - деп хабарлайды Түркістан облысы әкімінің баспасөз қызметі өкілдері.

Облыс әкімі тарапынан қолдауға ие болған компания басшысы өңірдің туризмін дамытуға үлес қосатынын айтты.

"Түркістанның облыс орталығы атанғанын қуанышпен қабылдадым. Өзім Кентауда туып-өскем. Сондықтан туған жерге қызмет етуге, туристік әлеуетін көтеруге үлесімді қоссам деген ниетпен келіп отырмын. Қараша айынан бастап Алматы мен Түркістан қалалары арасында туристік пойыз бағытын ашпақшымыз.

Екіншіден, өзім басқаратын "Тұран.тв" телеарнасы арқылы Түркістан облысы мен Түркістан қаласының көрікті, шежірелі орындары туралы бейнематериалдар, репортаждар, фильмдер әзірлейміз. Осы жұмыстарымыз арқылы Түркістанның туризмін дамытуға үлес қосамыз деген ойдамын. Себебі, қазір саяхатшыларға керегі - жайлы көлік пен қолжетімді ақпарат", - дейді Роман Ботабеков.

Осыған орай, 9 қыркүйекте "Тұран экспресс" компаниясы мен Түркістан облысының жолаушылар көлігі және автомобиль жолдары басқармасы, туризм және сыртқы байланыстар басқармасы және ішкі саясат басқармасы арасында әріптестік және іскерлік байланыс жөнінде меморандумға қол қойылды. Сонымен қатар, аталған басқармалар мен "Тұран.тв" телеарнасы арасында да меморандум жасалды.

Аталған пойыз Алматыдан жұмада шығып, жексенбіде кері қайтады. Саяхатшы жолаушылар қонақ үй іздемей, осы пойызда тынығып, Түркістанды екі күн аралайды. Әзірше бұл пойыз аптасына 4 рет жүргізілсе, келешекте күн сайын сапарға шығады деген жоспар бар. 

Сонымен қатар, компания Түркістан мен Шымкент қалалары арасында күн сайын қатынайтын пойыз бағытын ашуды да қолға алмақшы. Әкімдіктер тарапынан қолдау тапса, бұл жоспар да жүзеге аспақ.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети