Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Украинадағы ахуалды Қазақстан мен Германия СІМ басшылары талқылады

10 Қараша 2014, 14:48
0
©Тengrinews.kz
©Тengrinews.kz

Эбола вирусы мәселесі мен Украинадағы шиеленісті Қазақстан мен Германия сыртқы істер министрлері талқылады, - деп хабарлайды Tengrinews.kz тілшісі.

ҚР Сыртқы істер министрі Ерлан Ыдырысовтың айтуынша, саяси тұрғыдан Қазақстан мен Германия арасында ешқандай проблема жоқ. "Біз әлемдік және өңірлік мәселелерге бірдей қараймыз", - деді Ыдырысов журналистерге ГФР Сыртқы істер министрі Франк-Вальтер Штайнмайермен болған келіссөздерден соң.

"Германияның ғаламдық ірі ойыншы екенін білесіздер, біз Украина, Ауғанстан, Иран, Таяу Шығыстағы ахуал, Эбола төңірегіндегі ахуал сияқты барлық халықаралық және өңірлік өзекті мәселелер жөнінде пікір алмастық. Біз бұл мәселелерге қатысты көзқарастарымыздың жақындығын, тіпті бірдейлігін байқадық", - деді Ыдырысов.

Проблемалық мәселелер туралы айтқан Штайнмайер Қазақстан мен Германия оларды шешуге бірлесе күш салуы керектігін айтты. 

"Біз бұл жанжалдардың шиеленісін азайту үшін Қазақстан мен Германияның екеуінің де күш салуды жалғастыра беруі керектігін анықтадық. Егер біз Украинадан бүгін келген жаңалықтарды алатын болсақ, олар бұл мәселенің өте маңызды екенін тағы бір көрсетіп отыр. Біз әскери зорлық қолданылған жағдайға қайтадан тап болмау үшін қолдан келгеннің бәрін жасауымыз қажет", - деді ГФР Сыртқы істер министрі.

Неміс журналистері оның назарын өткен демалыс күндері жаңалықтардан Украина аумағында әскери жасақтардың жүргені және көп адамның қаза болғаны айтылғанына аударды.

"Өкінішке қарай, қазір жағдайдың күрделі екені анық байқалып тұр, біз Украинадағы бұл жанжалға қатысушылардың бәрін - сепаратистерді, ресейлік тарапты Минск хаттамасына қайтып келуге шақыруға тиіспіз", - деді Франк-Вальтер Штайнмайер.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай