Украинадағы жерлестерімізді елге әкелуге әзірше себеп жоқ

03 Наурыз 2014, 15:12
0
Украинадағы жерлестерімізді елге әкелуге әзірше себеп жоқ - ©Тelegraf.com.ua
©Тelegraf.com.ua
Украинадан қазақстандықтарды көшіріп әкелуге әзірше қажеттілік жоқ. Бұл туралы Астанада өткен брифингте ҚР Сыртқы істер министрлігінің ресми өкілі Жанболат Үсенов айтты деп хабарлайды Tengrinews.kz.

"Қазіргі уақытта отандастарымызды эвакуациялау шаралары жүргізіліп жатқан жоқ. Бірақ біз жағдайдың дамуына қарап отырмыз. Егер азаматтарды көшіріп әкелуге қажеттілік туатын жағдай бола қалса, біз шешімімізді қайта қараймыз. Дегенмен қазір көшіріп әкелу мәселесі сөз болып отырған жоқ", - дейді Үсенов.

Бұған дейін еліміздің Сыртқы істер министрлігі Киевтегі жаппай тәртіпсіздіктер барысында қаза тапқандар мен зардап шеккендер арасында Қазақстан азаматтарының жоқ екенін мәлімдеген болатын.

Қазір Украинада билік ауысқанымен, саяси шиеленістің одан әрі ушығатын түрі бар. Оған себеп - Ресейдің елдегі ахуалды реттеу үшін әскер кіргізу ниеті. ҚР Сыртқы істер министрлігі тараптарды елдегі дағдарысты реттеуде күш қолданбауға шақырады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай