1. Басты
  2. Біл
  3. Жаңалықтар
  4. Ел жаңалықтары

Украинаның 37 азаматы Қазақстаннан босқын мәртебесін сұрап отыр

©Тengrinews.kz ©Тengrinews.kz

Украинаның 37 азаматы Қазақстан билігіне босқын мәртебесін алуға өтініш білдірді. Tengrinews.kz тілшісіне бұл туралы ҚР Ішкі істер министрлігі мамандары хабарлады.

"Бүгінде Алматы, Астана қалалары мен облыстардың ішкі істер департаменттерінің көші-қон полициясы басқармаларына босқын мәртебесін беруді сұрап, Украинаның 37 азаматы өтініш білдірді", - делінген Tengrinews.kz-тің сауалына қайтарылған жауапта.

Қазақстан аумағында барлығы 589 босқын немесе 131 отбасыға құқықтық-әлеуметтік көмек көрсетіледі, олар қорғауға алынған. Олардың дені - 556 адам - Ауғанстаннан келгендер. 

Айта кетейік, ҚР Ішкі істер министрінің блогына Қазақстан билігінен босқын мәртебесін беруді сұрайтын Украина азаматтарынан өтініштер келіп түсіп жатыр.