13 қаңтар 2017 09:37

Үлескерлер жұмыс орнына, науқастар ауруханаға уақытша тіркеле алады

ПОДЕЛИТЬСЯ

© Тұрар Қазанғапов © Тұрар Қазанғапов

Тиісті құжаты жоқ үлескерлер жұмыс орнына уақытша тіркеуге тұра алады және ұзақ уақыт ауруханада жататын науқастар да сол медициналық мекемеде уақытша тіркелетін болады, - деп хабарлайды "Астана" телеарнасы Астана қалалық Ішкі істер департаменті Көші-қон полициясы басқармасының басшысына сілтеме жасап.


Тиісті құжаты жоқ үлескерлер жұмыс орнына уақытша тіркеуге тұра алады және ұзақ уақыт ауруханада жататын науқастар да сол медициналық мекемеде уақытша тіркелетін болады, - деп хабарлайды "Астана" телеарнасы Астана қалалық Ішкі істер департаменті Көші-қон полициясы басқармасының басшысына сілтеме жасап.

Ал 2-3 аптада онлайн тіркеу енгізілмек. Мамандардың айтуынша, азаматтарды тіркеу ісі қызмет көрсету орталықтарындағы басқа да қызмет түрлеріне айтарлықтай кері әсерін тигізіп жатыр. Сондықтан жұмыс орындарын көбейтуге тура келген. Ал ЭКСПО қарсаңында азаматтардың уақытша тіркелуіне қатысты жаппай тексеру жүргізілмейді. Дегенмен, халықаралық көрме қарсаңында Астана қауіпсіздігі бойынша шаралар өтеді, бірақ заңға мойынсұнған азаматтарға бұның қатысы жоқ. Ішкі істер департаменті қызметкерлері, тіркелмегендерді жазалау мақсаты тұрған жоқ, деді. Алдымен бір ай ішінде ескертіледі, оған құлақ аспағандарға айыппұл салынбақ.

"Азаматтар өздерінің кінәсіз екенін дәлелдеуге тиісті емес. Бiз тек жедел алдын алу шаралары барысында тексеру жүргiземiз. Телефон қоңырауы түскенде тексеремiз. Сенiм телефоны арқылы жұмыс iстейміз. Көршiлердiң немесе пәтер иелерi кооперативiнiң жазбаша арызы бойынша да тексеру жүргiземiз. Қазiргi шара адамның бiр жерде тұратынын немесе тұрмайтынын дәлелдеу үшiн жүргiзiлiп жатқан жоқ. Бұны қажет болған кезде министрліктің базасымен де тексеруге болады", - деді Астана қаласы ІІД көші-қон полициясы басқармасының басшысы Гүлвира Дөненбаева.

Айта кетейік, бір күннің ішінде Астанада екі жарым мың, Алматыда бес мың адам уақытша тіркеуге тұрған. Қаланың ірі қалаларында ұзын-сонар кезек пен жұрт наразылығы азаймай тұр. Ал бұған дейін премьер-министр жаңа заңды халыққа түсіндірмей, қолайлы қызмет жасамағаны үшін ішкі істер министрін сынға алған еді.

Читайте также
Join Telegram

Валюта бағамы

 446.78   483   4.85 

 

Ауа райы

 

Редакция Жарнама
Социальные сети