1. Басты
  2. Біл
  3. Жаңалықтар
  4. Ел жаңалықтары

Ұлттық банк басшысы Президентке 20 мың теңгелік купюра жайлы айтып берді02 желтоқсан 2015, 19:43

Ұлттық банк басшысы Данияр Ақышев ҚР Президенті Нұрсұлтан Назарбаевқа 20 мың теңгелік купюра жайлы айтып берді, - деп хабарлайды Tengrinews.kz тілшісі Ақордаға сілтеме жасап.

Данияр Ақышев кездесу барысында Қазақстан Президентіне қаржы нарығындағы тұрақтылықты қамтамасыз ету және ұлттық валютаның күрт ауытқуына жол бермеу үшін қабылданып жатқан шаралар жөнінде, сондай-ақ айналымға номиналы 20 мың теңгелік ақшаның енгізілгені туралы баяндады.

Сонымен қатар Ұлттық банк төрағасы Мемлекет басшысының Қазақстан халқына Жолдауында айтылған, соның ішінде қаржы институттарын басқару, инфляция деңгейін төмендету, тиімді ақпараттық түсіндіру жұмыстарын жүргізу мәселелеріне қатысты тапсырмаларды орындау жұмыстары басталғанын айтты. 

Осыған дейін ҚР Ұлттық банкінің құны 20 мың теңгелік банкноттарды айналымға енгізетіні хабарланған болатын. Ол айналымға 2015 жылдың 1 желтоқсанында шығарылады делінді.


ШҚО-да 12 сантиметр қар түсті