Ұлттық парктың экс-бас директоры алаяқтық жасады деген күдікке ілінді

19 Шілде, 16:29
0
Ұлттық парктың экс-бас директоры алаяқтық жасады деген күдікке ілінді - Фото ©Тұрар Қазанғапов
Фото ©Тұрар Қазанғапов

Ұлттық парктың экс-бас директоры алаяқтық жасады деген күдікке ілінді, - деп хабарлайды Tengrinews.kz тілшісі Сыбайлас жемқорлыққа қарсы басқармаға сілтеме жасап. 

"Шымкент қаласының Сыбайлас жемқорлыққа қарсы агенттігінің департаменті Сайрам-Өгем мемлекеттік орман және аңшылық шаруашылығы ұлттық паркінің бұрынғы бас директорынан алаяқтық фактісін анықтады", - делінген хабарламада. 

Ол өзінің қызметтік мансабын пайдаланып, орынбасарларынан басшылыққа ақша аударамын деген сылтаумен 460 мың теңге және 800 доллар ақшалай қаражат аударып алған. 

"Күдікті өз кінәсін толығымен мойындады. Қызметкерге қатысты қорытынды шешімді сот қабылдайды", - дейді сыбайлас жемқорлыққа қарсы басқарма.

Сайрам-Өгем мемлекеттік паркі Түркістан облысындағы Қазықұрт, Төлеби және Түлкібас аудандарындағы ұлттық табиғи парк. Батыс Тянь-Шаньның солтүстік бөлігінде орналасқан, сондай-ақ Талас Алатауы және Өгем, Қаржантау мен Боралдайтау тау сілемдері кіреді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай