"Зерде" холдингінің жаңа басқарма төрағасы тағайындалды

08 Қараша, 19:44
0
© primeminister.kz
© primeminister.kz

Ерлан Дүрмағамбетов "Зерде" холдингінің басқарма төрағасы болып тағайындалды, - деп хабарлайды Тengrinews.kz тілшісі премьер-министр сайтына сілтеме жасап. 

Директорлар кеңесінің шешімімен Ерлан Дмитрийұлы Дүрмағамбетов "Зерде" ұлттық инфокоммуникация холдингі" акционерлік қоғамының басқарма төрағасы болып тағайындалды.

Ерлан Дүрмағамбетов 1971 жылы Қарағандыда дүниеге келген. 1994 жылы Санкт-Петербург мемлекеттік электр техникалық университетінде (РФ) білім алған, 1999 жылы Айова штатының ғылым және техника университетін (АҚШ) тәмамдаған, 2018 жылы - Крэнфилд университетін (Ұлыбритания) оқып бітірген. Іскерлік әкімшілендіру докторы.

Еңбек жолын 1994 жылы бастаған. Әр жылдары корпоративтік секторда, соның ішінде Oracle Nederland BV өкілдігінде, "Делойт и Туш" ЖШС, "Скала Казахстан" ЖШС жұмыс істеген.

2006-2007 жылдары ҚР Қаржы министрлігінің "Қаржы жүйелерін ақпараттандыру орталығы" РМК-да басшылық лауазымдарды атқарған. 2007-2010 жылдары - ҚР Ақпараттандыру және байланыс агенттігі төрағасының орынбасары.  2010 жылдан бастап қазіргі таңға дейін "Қазақтелеком" АҚ басқарушы директоры қызметін атқарған.

Получить короткую ссылку

Тегтер:

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай