Зорлау ісінен кейін Алматыдағы балалар үйінің директоры қызметінен кетті

05 Шілде 2016, 15:42
0
Зорлау ісінен кейін Алматыдағы балалар үйінің директоры қызметінен кетті - © cso-central.asia
© cso-central.asia

Алматы қаласындағы №1 балалар үйінің директоры Гүлмаржан Шонаева мекемеде балаларды зорлау ісінен кейін қызметінен кетті, - деп хабарлайды Tengrinews.kz тілшісі.

"18 сәуірден бастап өз қалауымен қызметінен кетті, қазіргі уақытта ол балалар үйінде жұмыс істеп жатқан жоқ. Тергеу жалғасып жатыр. Тергеу қорытындысы бізге хабарланбады", - деп хабарлады білім басқармасының бас маманы Сәуле Мұхақожаева.

Директор болып Ақмарал Шатаева тағайындалды, ол бұған дейін №2 балалар үйін басқарған.

Еске салайық, Алматыдағы №1 балалар үйінде ақпан айында шу шыққан еді. Бұл кезде 13 жастағы бала (кейбір мәлімет бойынша ол 10 жаста) видеокамера алдында тұрып, өз тәрбиешісінен бірнеше рет сексуалдық зорлық көргенін мәлімдеген. Видео БАҚ-тарда жария болған.

Балалар үйінің басшылығы жеткіншектің сөзін қиялының жемісі деп атаған еді. Ал Білім басқармасындағылар қызметтік тексерістің жүргенін, оның қорытындысы бойынша сексуалдық зорлық деректерінің расталмағанын мәлімдеген болатын. Алайда 19 жастағы күдікті ұсталып, қамауға алынған. Кейін мекеме директорыжұмыстан босатылды. Тергеу жалғасып жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай