The Spirit of Tengri 2018 қонақтары латынамерикалық, африкалық мақамдар мен башқұртстандық этно-рок группаның өнерін тамашалай алады

04 Мамыр 2018, 11:27
0
The Spirit of Tengri 2018 қонақтары латынамерикалық, африкалық мақамдар мен башқұртстандық этно-рок группаның өнерін тамашалай алады - Бас-гитарашы Childo Tomas. Сурет The Spirit of Tengri фестивалінің баспасөз қызметі
Бас-гитарашы Childo Tomas. Сурет The Spirit of Tengri фестивалінің баспасөз қызметі

The Spirit of Tengri заманауи этникалық музыканың VI халықаралық фестивалі қатысушылар құрамын таныстыруды ары қарай жалғастыруда: 2-3 маусымда биылғы жаздың басты музыкалық оқиғасында испаниялық Childo Tomas тобы өнер көрсетеді. Сонымен қатар, көрермендер 2013-2016 жылдары Алматыда, ал 2017 жылдары The Spirit of Astana фестивалінде өнер көрсеткен башқұртстандық "Аргымак" тобымен қайта жүздеседі. 

Мозамбиктік бас-гитарашы Чилдо Томас былтыр The Spirit of Tengri алаңында өнер көрсеткен болатын. Ол кезде гвинеялық Sekou Koyate және оның тобымен бірге шыққан. Музыкантқа қазақстандық фестивалдің ұнағаны сонша, ол бізге өзінің Childo Tomas атты джаз жобасын алып келмек. Бұл топ мозамбиктік ырғақтарға (марамбета), джаз, испан және латынамерикалық мотивтерге негізделген көңілді музыкасымен танымал. Чилдо Томас Мозамбик тумасы, бірақ, қазір Испанияда тұрады. Ол ұзақ уақыт туған жері мен Африканың әр тарабының поп-музыкасын зерттеген. Оның бұл тәжірибесі мен жинақтаған білімін Pee Wee Ellis & Omar Sosa, Mark Gilmore, Julio Barreto, Dhafer Youssef, Jack Moralembau, Miguel "Anga" Diaz, Salif Keita, John Santos, David Gilmore, сондай-ақ, группа NDR Big Band (Германия) сияқы топтар да өз өнерінде қолданып келеді.

Бас-гитарадан бөлек Чилдо M'bira (ағаштан жасалған африкалық шертпелі аспап), Xivocovoco, Xigovia сияқты аспаптарда ойнайды және түрлі тілде ән салады. Жақында ол көптен күткен Moçambique Ni N'Tumbuluku атты альбомын жарыққа шығарды (Мозамбик дәстүрлері деп аударылады). Бұл альбомда дәстүрлі африкалық, еуропалық және латынамерикалық музыка астасқан. Чилдо шығармашылығы түрлі уақытта Kenny Garrett, John Coltrane, Miles Davis, John Scofield сияқты белгілі музыканттарға әсер еткен. Ал оның Мозамбиктегі ұстаздары Hortencio Langa, Arao Litsure және Xidiminguana болды.

"Тобымызда төрт музыкант: мен - мозамбиктік бас-гитарашы Childo Tomas, пернелі аспаптарда ойнайтын мексикалық Mark Aanderud, соқпалы аспаптармен ойнайтын бразилиялық Ala de Sousa және венесуэлалық дабылшымыз Juan Berbin. Біз музыкалық дәстүрлерімізді сақтай отырып, оларды өзге де бағыттармен үйлестіруге тырысамыз. The Spirit of Tengri фестивалінде бар іңкәрлығым мен креативтілігімді босатып, баршаны бізбен бірге ән мен биімізге қосылатындай еткім келеді. Жиналған жұрт бізді қолдайды деген үміттемін. Қазақстанға Messengers аталатын екінші альбомымызды ала келеміз. Сонымен қатар, мен қызымның альбомына да продюссер болдым, оны да Алматыға әкелеміз. Мұндағы жұртшылыққа менің музыкам ұнайды деп ойлаймын", - дейді музыкант. Сонымен қоса, ол біздің "атақты палауымызды" татып көруге асық екенін де айта кетті.

The Spirit of Tengri фестивалінің сүйікті қонақтарының бірі Башқұртстанның "Аргымак" этно-рок тобы. Бұл ұжым халықаралық, бүкілресейлік және республикалық конкурстардың лауреаты. Олардың репертуарларында башқұрт халық әндері, "қобайыр" аталатын толғаулар, эпостар мен аңыздар, сондай-ақ, солист Ринат Рамазанов түрлі бағытта жазған авторлық әндер бар. Ұжым башқұрттың курай, думбыра, кубыз, кыл-кубыз сияқты ұлттық аспаптары мен көмеймен ән айтуды заманауи гитара, бас және соқпалы аспаптармен үндестіреді. Сонымен қатар, ұжым әр тараптан жинаған түрлі халықтардың этникалық аспаптарында да ойнайды. 

"Биыл Алматыға жаңа әндер, жаңа стиль, жаңа әуендер әкелеміз. Бұл даб-степ, спид-гранж, дәстүрлі регги және өзге де көптеген қызықты дүниелер. Жаңа альбомнан алынған тамаша үзінділерді келтіреміз. Оның үстіне мұны енді iTunes арқылы тыңдауға болады. Еңбектерімізді сингл етіп шығарамыз, екі апта немесе айына бір әннен. Сессияның соңында бәрін бір альбомға жинаймыз", - дейді пернелі аспаптарда ойнайтын топ мүшесі Алик Гараев.

"Жаңа дүниеге бізді Өнер академиясының фонотекасында тыңдайтын көне жазбалар шабыттандырады. Сонымен қатар, фестивалдер, әсіресе The Spirit of Tengri рухтандырады, өзге ұжымдардың өнері - жаңа бір дүниенің тууына түрткі. Олардан қызықты тәсілдер, аспаптар көріп, түрлі әуендер естуге болады. Әрине біз саяхаттай жүріп, әсіресе, республикамызды аралаған кезде, туған өлкеміздің сұлулығын тамашалаймыз. Бұл біздің барлық идеяларымызды іске асыруға күш береді. The Spirit of Tengri фестивалінде сүйікті көрермендерімізбен қауышып, ду қол шапалақ күтеміз - бұл әртістер үшін ең үлкен қуаныш. Өнер көрсетіп болғаннан кейін біз үнемі Instagram, "ВКонтакте", Facebook желісіндегі пікірлерге көз саламыз. Ол да шығармашылыққа шабыттандырады. The Spirit of Tengri алаңында қауышқанша", - дейді соқпалы аспапта ойнайтын Радмир Исмагилов пен солист, курайда ойнайтын және көркемдік жетекші Ринат Рамазанов.

VI Халықаралық The Spirit of Tengri фестивалі 2 және 3 маусымда Алматыда Респубика Сарайының алдындағы Абай алаңында өтеді. Концерттердің басталуы - 17:00. Кіру тегін. Қонақтарды сапалы, дәстүрлі жанды әуендер, ғарыштан көрінетін жарық түсірілетін әдемі, күшті, жанды шоу күтіп тұр. Оның үстіне әрине көптен келе жатқан "отбасылық" жылылық бар. 

Фестиваль Алматы әкімдігінің қолдауымен өтеді. Жобаның бас серіктесі - Magnum Cash&Carry желісі. Tez Tour Kazakhstan тур операторы да қолдау білдіреді. Қонақтарды "Қазақстан" (Hotel Kazakhstan) қонақ үйі қарсы алады. Фестивалге техникалық қолдау білдіретін KZ Sound компаниясы. 

The Spirit of Tengri - қазақ жерінде әлемнің этникалық дәстүрін көрсетуге бағытталған мултимәдени жоба. 2012 жылы ұлттық Tengri FM радиостанциясы бекіткен. Бес жылда 100 мыңнан аса қонақтар мен көрермендер қамтылды. Оның сахнасына 30 елдің музыканттары өз өнерін көрсетті. Оның арасында түркиялық BaBa Zula тобы, қытай-моңғолиялық Hanggai ұжымы, мадиярлардың Tilla Török Band&Holdviola тобы, эстониялық TRAD.ATTACK! этнобэнді, грузиндік The Shin триосы, Башқұртстанның "Аргымак" тобы, бурят-фин-норвегиялық Nordic Namgar тобы, тывалық Радик Тюлюш "Чалама" жобасымен сахнаға шықты. Қазақстанның атынан "Алдаспан", "Шарапат", "Тиграхауд, Roksonaki топтары мен фольклорлық шығармашылығымен танылған мэтр Еділ Құсайынов та бар.  

Еске салайық, осыған дейінгі жылдары фестивальдің басты серіктесі Kaspi.kz болды. 

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай