1. Басты
  2. Біл
  3. Мәдениет
  4. Әуен

Қазақстандық скрипкашы Мәскеуде өткен байқауда жеңіп шықты

©Usiter.com ©Usiter.com

Мәскеу қаласында өтіп жатқан Чайковский атындағы VIII халықаралық жасөспірімдер байқауында қазақстандық Руслан Тұрынтаев бірінші жүлдені жеңіп алды, - деп хабарлайды Tengrinews.kz

"Скрипка" мамандығы бойынша сынға түскен ол жас дарындардың біразын артта қалдырып, оқ бойы озық шықты. Сөйтіп, Чайковский атындағы VIII халықаралық жасөспірімдер байқауының бірінші сыйлығын жерлесіміз ұтып алса, екінші орынды Роман Решеткин (Ресей - Франция), үшінші орынды Юмин Со (Оңтүстік Корея) иеленді. Ал төртінші сыйлық қытайлық Вей Жанға бұйырды. 

Айта кетейік, Руслан Тұрынтаев - Астанадағы Қазақ ұлттық музыка академиясының (2005-2010 ж.ж.) түлегі. Сондай-ақ ол Чайковский атындағы Мәскеу мемлекеттік консерваториясы жанындағы музыка мектебінде оқыған.