"МузАрт" тобы 15 жылдығына орай Алматыда концерт береді

25 Қараша 2016, 10:07
0
"МузАрт" тобы 15 жылдығына орай Алматыда концерт береді -

"МузАрт" тобы 2016 жылы 27 қарашада Республика сарайында өтетін концертте халықтың сүйіп тыңдайтын 28 әнін орындайды. Бұл туралы Сәкен Майғазиев "Жұлдыз FM" радиостанциясының эфирінің үзілісінде Tengrinews.kz тілшісіне берген сұхбатында айтты. 

Оның айтуынша, Қазақстан Тәуелсіздігінің 25 жылдығына және Алматы қаласының 1000 жылдығына арналған концерт екі уақытта болады - біріншісі 16.00-де, екіншісі 19.30-да. "15 жылда біз 100-ден асан ән жаздық. Концертте барлығын орындай алмаймыз. Бірақ біз халық сүйіп тыңдайтын 28 әнді таңдап отырмыз. Сонымен қатар, жаңа әндерді де орындайтын боламыз", - деді ол. 

Оның айтуынша, сахнаға өзі, Мейрамбек Бесбаев және Кенжебек Жанәбілов жеке шығып та ән орындайды. Сонымен қатар, "МузАрттың" бұрынғы әншісі Мақсат Базарбаев та сахнаға шығады. Сондай-ақ, топтың келесі жылы Қазақстан қалаларында жеке шығармашылық концерттерін беру жоспарланған. 

Майғазиев "МузАрт" тобының "Жұлдыз FM" радиосымен тығыз байланыста екенін айтты. "Жұлдыз ҒМ" әрқашанда қазақ тілінде шыққан сапалы әндерді қояды. Бұл радио менің жүрегімде ерекше орын алады. Онда нағыз сапалы дыбыс пен мықты жүргізушілер жұмыс істейді. Әрқашан жаңа ән шыққан уақытта біз "Жұлдыз FM" радиосында шығуын қалаймыз", - деді ол. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай