Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

"На вершине Тенгри" жобасының VI маусымы LIVE форматында өтеді

05 Қыркүйек 2014, 09:24
0
"Тенгри шыңында"
"Тенгри шыңында"

Tengri FM радиостанциясының "На вершине Тенгри" жобасы өзінің VI маусымын бастайды. Осы жылы ұйымдастырушылар алдыңғы маусымдарды біршама қорытындылап, жоба қатысушыларының бір-бірімен LIVE форматында кездесуіне мүмкіндік туғызып отыр. Бұл туралы Tengrinews.kz тілшісіне Tengri FM радиостанциясының музыкалық редакторы  Константин Головин әңгімелеп берді. 

"Біз өткен бес маусымда өте үлкен бір реттік концерттер беріп келдік. Қазір біз "На вершине Тенгри" рок-акциясының VI маусымы басталғанына өте қуаныштымыз. Біз өзімізбен осы уақытқа дейін бірге жұмыс істеп келе жатқан топтардың қандай жетістікке жеткенін көруді ұйғардық. Аталған жоба басталғалы біздің құрамға 300-ден аса топ қосылды, олар 3000-нан астам композициялар орындады. Алтыншы маусымның концерттерінде қатысушылар бір-бірімен етене жақын танысып, араласа алады, – деді Головин. 

Күз бойы Алматыға еліміздің түкпір-түкпірінен рок-топтар жиналады. Концерттер бірнеше сессияда өтеді. Әр апта сайын музыканттар өздерінің шығармашылығын Қазыбек би көшесі, 20 (Қалдаяқов қиылысы) мекенжайында орналасқан Event City Hall-да көрсететін болады. Концерттерді қазылар алқасы мұқият тыңдап, әр айдың соңында болатын ақтық байқауға топтарды іріктеп алады. Ақтық сынға шыққандар жобаның хэдлайнерлерімен бір сахнада кездеседі. Сонымен, "На вершине Тенгри" жобасының алғашқы концерті 6 қыркүйек күні сағат 19:00-де болады. Кештің шымылдығын  Hadn’t tea, Nourba Group, "Па Кампасам" топтары ашады. Ал 28 қыркүйек күні айдың қорытынды концертіне "Агата Кристи" тобының бұрынғы әншісі Глеб Самойлов келеді деп күтілуде.

"Жас топтарға рок-музыканың аты аңызға айналған музыканттарымен танысып, талай дүние үйрену керек. Бұл - бірінші кезекте тәжірибе алмасу, жұлдыздармен бір сахнаға шығып, бірге ән салу, тәжірибелі музыканттардың сахнада өзін-өзі қалай ұстайтынын көру. Осындай жоба өз жемісін береді деп ойлаймыз", – дейді Головин. 

Әр айдың жеңімпаздары "На вершине Тенгри" жобасының ақтық сынына жолдама алады. Осы жылдың желтоқсан айында үлкен қорытынды концерт болады. Концертте нағыз жеңімпаз анықталады, ол 2015 жылы Ресейде өтетін рок-музыканттардың байқауына "На вершине Тенгри" атынан қатысады. Сондай-ақ жобаның ұйымдастырушылары мен серіктестері басқа да үздік қатысушыларға сый-сияпат әзірлеп отыр. Музыкалық коллективтердің бірі кәсіби студияда тегін ән жазуға мүмкіндік алады.  


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай