"На вершине Тенгри" концертінде Blues Motel тобы қонақтарға әнжинақтарын сыйға тартады

12 Қараша 2014, 18:13
0
"На вершине Тенгри" концертінде Blues Motel тобы қонақтарға әнжинақтарын сыйға тартады - Blues Motel тобы
Blues Motel тобы

12 қарашада болатын "На вершине Тенгри" концертінде Blues Motel тобы қонақтарға әнжинағын сыйға тартады, - деп хабарлайды Tengrinews.kz музыкалық ұжымның мүшесі Кирилл Говорухинге сілтеме жасап. Концерт Қазыбек би 20, Қалдаяқов көшесінің қиылысындағы Event City Hall клубында (бұрынғы Cinemabar) сағат 20.00-де басталады.

Музыканттар концерт қонақтарына қуаныш сыйлап, "Другой" (2006 жыл) және "Абсент" (2011 жыл) әнжинақтарын тегін таратқалы отыр. Қазіргі уақытта топ "За горизонтом" деп аталатын әнжинағын жасап жатыр. Ол Ұлыбританияда жазылу үстінде. Әнжинақ 2015 жылы таныстырылады, бірақ "На вершине Тенгри" концертіне келген қонақтар жаңа репертуардың әндерін тыңдай алады. Музыканттар екі жаңа ән айтады: "Звездопад" және "Меланхолия".

Еске сала кетейік, "На вершине Тенгри" жобасы VI маусымының қараша сессиясында тағы екі концерт өтеді. 12 қарашада қарашаның жартылай финалына үшінші болып шығуға төрт топ таласады. Көрермендер Blues Motel, For Tea, "Город Контрастов" сияқты алматылық ұжымдар мен Екібастұз қаласынан келген Bissa тобының өнерін тамашалай алады. 14 қараша күні конкурстың жартылай финалына шығатын ұжым анықталатын тағы бір концерт өтеді.

Айта кетейік, алдағы 12 қараша күні өтетін концерттің жеңімпазы бірінші екі қараша сессиясының жеңімпазы болған The Moloty және Kod A ұжымдарына қосылып, үштікті толықтырады. Ал одан кейін осы үш жеңімпаз ұжым 14 қараша күні "Конец фильма" тобының көшбасшысы Евгений Феклистовпен бірге өнер көрсетеді. Сахнаға Headn’t tea, iFLY, LampЫ Orchestra, Paradox, "Эклектика" және Angry Ants топтары да шығады.

Еске сала кетейік, "На вершине Тенгри" жобасының VI маусымы үш сессиямен өтіп жатыр: қыркүйек, қазан және қараша сессиялары. Қазылар алқасы олардың әрқайсынан 5 желтоқсанға жоспарланған финалдық концертке өтетін бір топтан таңдайды. Қыркүйек айының қорытындысы бойынша Hadn't tea тобы жеңімпаз болды. Қазанда финалға LampЫ Orchestra шықты. Енді көпшілік қазылар алқасының қараша сессиясының жеңімпазы деп кімді табатынын күтіп жатыр. Айта кетейік, әр сессия жеңімпаздары жүлде ретінде жоба әріптесі - APM music Land музыкалық аспаптар дүкені ұсынған 100 мың теңгеге ие болады. Ал VI маусымында үздік шығып, жалпы финалда жеңімпаз атанған топ 2015 жылы жазда ресейлік ірі рок-фестивальға қатысып, Қазақстанның атынан өнер көрсетуге жолдама алады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай